Bible Society of South Africa
Leesplanne
Dagboek 2021
Dagboek 2021 – 8 November

Dagboek 2021 – 8 November

Die wêreld behoort aan jou, gesalfde een!

Bybelteks(te)

DIE OPENBARING 10

9Ek het na die engel toe gegaan en vir hom gevra om die boekie vir my te gee.

Hy sê toe vir my: “Neem dit en eet dit op. Dit sal jou maag bitter maak, maar in jou mond sal dit so soet soos heuning wees.”

10Ek het toe die boekie uit die hand van die engel gevat en dit opgeëet. In my mond was dit so soet soos heuning, maar toe ek dit insluk, het my maag bitter geword. 11Toe het hulle vir my gesê: “Jy moet weer God se boodskap aangaande baie volke, nasies, tale en konings verkondig.”

DIE OPENBARING 10:9-11AFR83Maak oop in die Bybelleser

Dit sal maklik wees om te dink dat die wêreld se standaarde en waardes deel geword het van ons lewe, omdat ons gebore is en dag na dag op die aarde woon. En omdat ons wêreldse mense is, tree ons ook soos wêreldse mense op. Omdat ons wêreldse mense is, praat ons ook soos die wêreld. Ons tree op en praat soos wêreldse mense.

Ons lees in Openbaring 10: 9 dat ons die klein boekie moet eet. As ons die boekie, wat die Goeie Nuus van die evangelie is, eet, dan maak ons dit deel van ons manier van optree en die manier hoe ons praat. Wanneer ons die evangelie van Jesus Christus eet, raak ons al hoe meer wie ons reeds is, naamlik kinders van God. Wanneer ons die evangelie eet, tree ons al hoe meer op soos mense wat anders is as die wêreld. Dan is ons mense wat ander waardes en standaarde uitleef as wat daar in die wêreld is.

Ek en jy is in hierdie wêreld, maar ons is nie van die wêreld nie. Ons moet uitstaan bo die wêreld, ons moet anders wees deur die evangelie van Jesus te eet en dit deur woord en daad uit te leef, totdat Hy weer kom.

Ds André Steinmann, Piet Potgieter

Bible Society of South Africav.4.26.9
VOLG ONS