Spreuke: Eenjaarleesplan – Dag 229

Vers 17 is baie goed vertaal in die 1983-vertaling. Die woord vir “plesier” in vers 17 is dieselfde woord wat in vers 15 vir “bly wees” gebruik word. Spreuke kontrasteer dus twee lewenswyses. Plesiersoekers word vasgevang deur plesier en feesviering. Regdoeners vind daarenteen die blydskap wat plesiersoekers ontwyk. Vers 18. Bykans alle mense verkies eerlike en betroubare persone. Hulle “ruil” maklik ’n goddelose vir ’n regverdige, en ’n onbetroubare vir ’n betroubare een.