Spreuke: Eenjaarleesplan – Dag 297

Tema 4 – Dit is moeilikheid soek om ‘n dwaas met ‘n boodskap te stuur.

Vers 6. Dit is moeilikheid soek om ‘n dwaas met ‘n boodskap te stuur. Dit is soos om jou eie twee voete af te kap, gegewe dat ‘n boodskapper in daardie tyd soos twee ekstra voete gereken is. Jy doen jouself geweld aan.

Vers 7. Selfs ‘n spreuk in die mond van ‘n dwaas is nutteloos. Dit ontkrag die betekenis daarvan.

Vers 8. Dit is dom om ‘n dwaas mag te gee deur hom te vereer. Dit is soos om ‘n klip vas te maak aan ‘n slingervel. Net iemand wat niks weet van hoe ‘n slingervel werk, doen só iets.