Word jy bedreig deur gesinsgeweld? – Dag 2

As ʼn mishandelde persoon ervaar jy waarskynlik ʼn diep gevoel van skaamte wat jou laat glo dat jy nie werd is om liefde te ontvang nie.
Tog verseker die Bybel jou dat jy volmaak na God se beeld geskep is.

God het die mens geskep
na sy beeld,
na die beeld van God
het Hy hom geskep,
manlik en vroulik
het Hy hulle geskep.

God het jou met eindelose sorg aanmekaar gesit:

Dit is immers U wat my niere
geskep het,
my in die moederskoot
geweef het.
Ek prys U omdat ek
op ʼn ontsagwekkende,
wonderbaarlike wyse gemaak is.
Wonderbaarlik is u werke
en ek besef dit maar te goed.