1 KRONIEKE 24

₁Ook die seuns van Aäron het hulle afdelings gehad. Die seuns van Aäron was Nadab en Abihu, Eleasar en Itamar.

₂Maar Nadab en Abihu het in teenwoordigheid van hulle vader gesterwe, en hulle het geen seuns gehad nie, sodat Eleasar en Itamar die priesteramp bedien het.

₃En Dawid saam met Sadok, uit die seuns van Eleasar, en Ahimeleg, uit die seuns van Itamar, het hulle volgens hulle amp in hul diens ingedeel.

₄Maar toe dit blyk dat die seuns van Eleasar talryker was aan gesinshoofde as die seuns van Itamar, het hulle dié so ingedeel: vir die seuns van Eleasar sestien familiehoofde en vir die seuns van Itamar volgens hulle families agt.

₅En hulle het hul deur die lot verdeel, die een sowel as die ander; want daar was heilige vorste en vorste van God uit die seuns van Eleasar en onder die seuns van Itamar.

₆En Semaja, die seun van Netaneël, die skrywer, uit die Leviete, het hulle opgeskrywe in teenwoordigheid van die koning en die vorste en die priester Sadok en Ahimeleg, die seun van Abjatar, en die familiehoofde van die priesters en van die Leviete; een familie is uitgeloot vir Eleasar, en telkens weer vir Itamar.

₇En die eerste lot het uitgekom vir Jojarib, die tweede vir Jedaja,

₈die derde vir Harim, die vierde vir Seorim,

₉die vyfde vir Malkia, die sesde vir Mijamin,

₁₀die sewende vir Hakkos, die agtste vir Abia,

₁₁die negende vir Jesua, die tiende vir Seganja,

₁₂die elfde vir Eljasib, die twaalfde vir Jakim,

₁₃die dertiende vir Huppa, die veertiende vir Jesebeab,

₁₄die vyftiende vir Bilga, die sestiende vir Immer,

₁₅die sewentiende vir Hesir, die agttiende vir Happisses,

₁₆die negentiende vir Petagja, die twintigste vir Esegiël,

₁₇die een-en-twintigste vir Jagin, die twee-en-twintigste vir Gamul,

₁₈die drie-en-twintigste vir Delaja, die vier-en-twintigste vir Maäsja.

₁₉Dit was hulle ampsorde vir hul diens, om in die huis van die Here te gaan volgens die verordening deur hul vader Aäron aan hulle, soos die Here, die God van Israel, hom beveel het.

₂₀Wat die orige seuns van Levi betref, van die seuns van Amram: Subael; van die seuns van Subael: Jegdeja.

₂₁Wat Rehabja betref, van die seuns van Rehabja: Jissia, die hoof.

₂₂Van die Jishariete: Selomot; van die seuns van Selomot: Jahat.

₂₃En die seuns van Hebron: Jeria, die eerste; Amarja, die tweede; Jahasiël, die derde; Jekameam, die vierde.

₂₄Die seuns van Ussiël: Miga; van die seuns van Miga: Samir.

₂₅Die broer van Miga was Jissia; van die seuns van Jissia: Sagaria.

₂₆Die seuns van Merari was Magli en Musi; die seuns van sy seun Jaäsia.

₂₇Die seuns van Merari deur sy seun Jaäsia was Soham en Sakkur en Hibri.

₂₈Van Magli: Eleasar; dié het geen seuns gehad nie.

₂₉Wat Kis betref, die seuns van Kis was Jeragmeël.

₃₀En die seuns van Musi was Magli en Eder en Jerimot. Dit was die seuns van die Leviete volgens hulle families.

₃₁En hulle het ook die lot gewerp net soos hulle broers, die seuns van Aäron, in teenwoordigheid van koning Dawid en Sadok en Ahimeleg en die familiehoofde van die priesters en van die Leviete: die familiehoof net soos sy jonger broer.