NEHEMIA 7

₁En toe die muur gebou was, het ek die deure ingesit, en die poortwagters en die sangers en die Leviete is aangestel.

₂En ek het my broer Hanani en Hananja, die owerste van die vesting, oor Jerusalem aangestel — want hy was 'n getroue man en godvresend bo baie —

₃en ek het vir hulle gesê: Die poorte van Jerusalem mag nie oopgemaak word voordat die son warm is nie; en terwyl hulle nog op wag staan, moet die deure toegesluit word, en julle moet dit dig grendel; en julle moet van die inwoners van Jerusalem wagte uitsit, elkeen op sy pos en elkeen teenoor sy huis.

₄En die stad was wyd uitgestrek en groot, maar die mense daarin was min, en die huise was nie opgebou nie.

₅Toe het my God in my hart gegee dat ek die edeles en die leiers en die volk bymekaar laat kom het om 'n geslagslys aan te lê; en ek het die geslagslys gekry van dié wat eerste opgetrek het, en daarin geskrywe gevind:

₆Dit is die inwoners van die provinsie wat opgetrek het uit die gevangenskap van die ballinge, wat Nebukadnesar, die koning van Babel, weggevoer het, en teruggekom het na Jerusalem en Juda, elkeen na sy stad;

₇wat saam met Serubbabel, Jesua, Nehemia, Asarja, Raämja, Nahamani, Mordegai, Bilsan, Misperet, Bigwai, Nehum, Baäna gekom het; die getal manne van die volk van Israel was:

₈die kinders van Parhos, tweeduisend eenhonderd twee-en-sewentig;

₉die kinders van Sefatja, driehonderd twee-en-sewentig;

₁₀die kinders van Arag, seshonderd twee-en-vyftig;

₁₁die kinders van Pahat-Moab, van die kinders van Jesua en Joab, tweeduisend agthonderd-en-agttien;

₁₂die kinders van Elam, duisend tweehonderd vier-en-vyftig;

₁₃kinders van Sattu, agthonderd vyf-en-veertig;

₁₄die kinders van Sakkai, sewehonderd-en-sestig;

₁₅die kinders van Binnuï, seshonderd agt-en-veertig;

₁₆die kinders van Bebai, seshonderd agt-en-twintig;

₁₇die kinders van Asgad, tweeduisend driehonderd twee-en-twintig;

₁₈die kinders van Adonikam, seshonderd sewe-en-sestig;

₁₉die kinders van Bigwai, tweeduisend sewe-en-sestig;

₂₀die kinders van Adin, seshonderd vyf-en-vyftig;

₂₁die kinders van Ater, van Hiskia, agt-en-negentig;

₂₂die kinders van Hasum, driehonderd agt-en-twintig;

₂₃die kinders van Besai, driehonderd vier-en-twintig;

₂₄die kinders van Harif, honderd-en-twaalf;

₂₅die kinders van Gibeon, vyf-en-negentig;

₂₆die manne van Betlehem en Netofa, honderd-agt-en-tagtig;

₂₇die manne van Anatot, honderd agt-en-twintig;

₂₈die manne van Bet-Asmawet, twee-en-veertig;

₂₉die manne van Kirjat-Jearim, Kefira en Beërot, sewehonderd drie-en-veertig;

₃₀die manne van Rama en Geba, seshonderd een-en-twintig;

₃₁die manne van Migmas, honderd twee-en-twintig;

₃₂die manne van Bet-El en Ai, honderd drie-en-twintig;

₃₃die manne van die ander Nebo, twee-en-vyftig;

₃₄die kinders van die ander Elam, duisend tweehonderd vier-en-vyftig;

₃₅die kinders van Harim, driehonderd-en-twintig;

₃₆die kinders van Jerigo, driehonderd vyf-en-veertig;

₃₇die kinders van Lod, Hadid en Ono, sewehonderd een-en-twintig;

₃₈die kinders van Senaä, drieduisend negehonderd-en-dertig.

₃₉Die priesters: die kinders van Jedaja, van die huis van Jesua, negehonderd drie-en-sewentig;

₄₀die kinders van Immer, duisend twee-en-vyftig;

₄₁die kinders van Pasgur, duisend tweehonderd sewe-en-veertig;

₄₂die kinders van Harim, duisend-en-sewentien.

₄₃Die Leviete: die kinders van Jesua, van Kadmiël, van die kinders van Hodewa, vier-en-sewentig.

₄₄Die sangers: die kinders van Asaf, honderd agt-en-veertig.

₄₅Die poortwagters: die kinders van Sallum, die kinders van Ater, die kinders van Talmon, die kinders van Akkub, die kinders van Hatita, die kinders van Sobai, honderd agt-en-dertig.

₄₆Die tempelbediendes: die kinders van Siha, die kinders van Hasufa, die kinders van Tabbaot;

₄₇die kinders van Keros, die kinders van Sia, die kinders van Padon;

₄₈die kinders van Lebana, die kinders van Hagaba, die kinders van Salmai;

₄₉die kinders van Hanan, die kinders van Giddel, die kinders van Gahar;

₅₀die kinders van Reaja, die kinders van Resin, die kinders van Nekoda;

₅₁die kinders van Gassam, die kinders van Ussa, die kinders van Paseag;

₅₂die kinders van Besai, die kinders van die Meüniete, die kinders van die Nefisiete;

₅₃die kinders van Bakbuk, die kinders van Hakufa, die kinders van Harhur;

₅₄die kinders van Baslut, die kinders van Mehida, die kinders van Harsa;

₅₅die kinders van Barkos, die kinders van Sisera, die kinders van Temag;

₅₆die kinders van Nesiag, die kinders van Hatifa.

₅₇Die kinders van die dienaars van Salomo: die kinders van Sotai, die kinders Soferet, die kinders van Perida;

₅₈die kinders van Jaäla, die kinders van Darkon, die kinders van Giddel;

₅₉die kinders van Sefatja, die kinders van Hattil, die kinders van Pogeret-Hassebaim, die kinders van Amon —

₆₀al die tempelbediendes en die kinders van die dienaars van Salomo: driehonderd twee-en-negentig.

₆₁En dit is hulle wat opgetrek het uit Tel-Melag, Tel-Harsa, Kerub, Addon en Immer, maar wat nie hul familie en hul afkoms kon aanwys, of hulle uit Israel afkomstig was nie —

₆₂die kinders van Delaja, die kinders van Tobia, die kinders van Nekoda: seshonderd twee-en-veertig.

₆₃En van die priesters: die kinders van Habaja, die kinders van Hakkos, die kinders van Barsillai, wat uit die dogters van Barsillai, die Gileadiet, 'n vrou geneem het en na hulle naam genoem is.

₆₄Hulle het hul stamboom gesoek onder dié wat in die register opgeneem is, maar dit was nie te vinde nie; daarom is hulle onbevoeg verklaar vir die priesterskap.

₆₅En die goewerneur het aan hulle gesê dat hulle nie mag eet van die hoogheilige gawes nie, totdat die priester sou optree met Urim en Tummim.

₆₆Die hele vergadering saam was twee-en-veertigduisend driehonderd-en-sestig;

₆₇behalwe hulle slawe en hulle slavinne; dié was seweduisend driehonderd sewe-en-dertig. En hulle het tweehonderd vyf-en-veertig sangers en sangeresse gehad.

₆₈Hulle perde was sewehonderd ses-en-dertig; hulle muile tweehonderd vyf-en-veertig;

₆₉kamele, vierhonderd vyf-en-dertig; esels, sesduisend sewehonderd-en-twintig.

₇₀En 'n deel van die familiehoofde het bygedra vir die werk; die goewerneur se bydrae tot die fonds was: in goud duisend dragmes, vyftig komme, vyfhonderd-en-dertig priesterrokke.

₇₁En van die familiehoofde het gegee vir die boufonds: in goud twintigduisend dragmes, en in silwer tweeduisend tweehonderd mines.

₇₂En wat die res van die volk gegee het, was: in goud twintigduisend dragmes, en in silwer tweeduisend mines, en sewe-en-sestig priesterrokke.

₇₃So het dan die priesters en die Leviete en die poortwagters en die sangers en van die volk en die tempelbediendes en die hele Israel in hulle stede gaan woon.