Batho ba ba amantšhwago le Matswalo a Jesu – letšatši la 2
Batho ba ba amantšhwago le Matswalo a Jesu: Maria le Elisabetha
(Di)temana ya Bibele
LUKASE 1
Maria o etela Elisabetha
Re tla be re bolela go go ntši ka Maria dibekeng tše di tlago, eupša ga bjale ke nyaka go lebelela ketelo ya gagwe go Elisabetha. Morago ga ge Lukase a re botša ka fao Maria a kwago go tšwa go Gabriele, ka fao a tlago belega morwa, le pele a gatiša kopelo ya gagwe, o ba le nakwana ya go ikgetha bophelong bja basadi ba babedi ba moswananoši.
Gopola ka seo Maria a bego a se nagana ge a be a eya ntlong ya Elisabetha. Mohlomongwe o ile a boeletša poledišano ya bona leboelela ka kgopolong ya gagwe. E ka ba Elisabetha o tla mo kgolwa? E ka ba ka moka di tla kwagala bjalo ka bogaswi?
Eupša gatee-tee ge a tsena ntlong gomme a dumediša ka mo go tlwaelegilego, Elisabetha o ile a šegofatša Maria bjalo ka mmago Morena wa gagwe. Le ge Lukase a sa re botše seo Maria a se boletšego, se bile le seabe se maatla moo Elisabetha a ilego a tlala ka Moya wo Mokgethwa.
Ga se Maria goba Elisabetha yoo a nyakilego go ba o bohlokwa gape ga gona mona magareng ga bona. Elisabetha o na le temogo ya tumelo ya Maria: “Go lehlogonolo wena o dumetšego gore tše Morena a go boditšego tšona di tla phethega” (Temana ya 45). Monna wa Elisabetha o ile a belaela se Morena a mmoditšego sona, gomme ya ba semuma ka lebaka la seo, eupša Maria o ile a dumela. Leeto lona le, ka borwa bja Judea, e bile bohlatse bja tumelo ya gagwe, ka gobane o be a e bontšha ka ditiro, ka go etela motho yo Modimo a mo lokišeditšego go mo thuša – Elisabetha.
Naa e sa le wa ba le “Elisabetha” go go thuša nakong e boima lenyaga? Mohlomongwe o bile yena. Ge e le gore ga se wa ka wa ba o mo tee wa bona, o tla tseba ka fao segwera sa Bakriste se lego bohlokwa ka gona. E ka ba o Mokriste o moswa yo a nago le dipotšišo tše ntši go feta dikarabo goba molatedi wa kgale wa Jesu, ke go hlohleletša go nyaka bagwera le baeletši ba boifago Modimo. Mpho e botse ya segwera le motho yo mongwe ke lehumo ka nnete.
