Batho ba ba amantšhwago le Matswalo a Jesu – letšatši la 3
Batho ba ba amantšhwago le Matswalo a Jesu: Johanese Mokolobetši
(Di)temana ya Bibele
LUKASE 1
Lukase o na le tsela ya go re gopotša ka botho bja batho bao Modimo a ba kgethago go ba šomiša. Sakaria, Elisabetha, Maria – Lukase o nyaka gore, ke a nagana, re ba gopole bjalo ka batho ba boleta, ba go tlwaelega.
Johanese, le thulano ya lapa ka leina la gagwe, o be a swana le bona. Felo go gongwe gare ga tirelo ya gagwe ya lebollo, ge leina la Sakaria le fiwa, Elisabetha ga a latele lenaneotshepedišo gomme o tsena dilo gare, a phegelela gore leina la ngwana e tla ba Johanese. Batho ka moka ba ile ba tšhoga.
Kua Middle East, nakong ya dinako tša Testamente ye Tala, batswadi ba be a reela bana leina la leloko goba leina le bohlokwa la seprofeta. Go reela mošimane leina la papagwe, go be go hlaloša gore o be a tla latela dikgatong tša Sakaria gomme a gola go ba moprista.
Go reelwa leina le lengwe, go be go tla hlaloša selo se se fapanego. Johanese o be a ka se latele dikgatong tša papagwe. O be a ka se ithute go dira se papagwe a bego a se dira. O be a ka se be moprista. Se, ka nnete, e be e le lona lebaka. Nagana ka ditsela tše ka tšona Johanese a ilego a se swane le papagwe.
Sakaria e be e le moprista; Johanese e be e le moprofeta. Johanese e be e le Monasire; papagwe e be e se Monasire. Sakaria o be a phela magareng ga batho, Johanese o be a phela a le noši. Sakaria e be e le karolo ya tshepedišo ya kgale ya bodumedi; Johanese o be a se bjalo.
Ge re dumela go Jesu, re ba le leina le leswa le rena, leina leo le botšago mang le mang gore re tla ba ba ba fapanego. Leina leo ke Mokriste. Ka mo go swanago, bjalo ka Bakriste, re swanetše go furalela seo re bego re le sona pele re e ba Bakriste.
