Batho ba ba amantšhwago le Matswalo a Jesu – letšatši la 9
Batho ba ba amantšhwago le Matswalo a Jesu: Banna ba bohlale
(Di)temana ya Bibele
MATEU 2
Boradinaledi ba ba tšwago bohlabela
Morwa wa Modimo ga a belegelwa ka go o tee wa mešate ya Heroda o Mogolo goba go laetšwa pele go baprista ba bagolo, bao e bego e le baetapele ba sedumedi bao ba thwetšego ke Modimo. Go e na le moo, morwa wa Modimo a belegwa go Maria, lekgarebe le le tlwaelegilego la Mojuda. O godišitše ke Josefa, moagi yo a tlwaelegilego wa Mojuda. Baeng ba gagwe ba pele e be e le badiši ba mmalwa, batho ba go ralala ba boemo bja tlasetlase setšhabeng. Ka Tempeleng, o ile a dumedišwa ke Simeone wa go loka le mohlologadi Anna, bao o mongwe le o mongwe wa bona a lemogwago ka potego le boikgafo bja bona go Modimo. Ke moka, nako e nngwe ka kgwedi ye e latelago goba ngwaga, gwa tla Banna ba bohlale, bao ba sa tsebjego gape go bonagala e se baeng baditšhaba ba go tšwa bohlabela.
E be e le bo mang Banna ba ba bohlale? Baithuti ba bangwe ba Bibele ba nagana gore e be e le banepi ba dinaledi, ba bangwe, batseta ba kgoši le gaešita batho ba bogošing ka bobona. Ge e le gabotse, ke Banna ba bohlale ba ba kae bao ba ilego go Heroda (ga gona moo ka Bibeleng go šišinywago gore e be e le ba bararo) goba ditlhalošo tša mešomo ya bona, ga se bohlokwa. Se bohlokwa, ke dinnete ka Kriste tšeo Mateu a nyakago re di bona.
Sa pele, Jesu ke Mesia, Kgoši ya Bajuda, gomme o swanetše go hlomphiwa bjalo. Jesu o swanetše go khunamelwa e se ke Bajuda fela, eupša ke ditšhaba tšohle tša lefase, bjalo ka ge a bontšhwa ke Banna ba bohlale ba bohlabela.
Nnete e nngwe gape e re swanetšego go e bona, ke gore Modimo o laola lefase go dira gore Morwa wa gagwe a tsebje le go khunamelwa. Leboelela, Bibele e gakantšha phišegotsebo ya rena mabapi le nnete ya ka fao dilo di diregilego. “Naledi” e kgonne bjang go etela pele Banna ba bohlale go tloga bohlabela go ya Jerusalema? Naledi e ba eteletše pele bjang mosepelo wa dikilometara tše 7 go tloga Jerusalema go ya Bethlehema bjalo ka ge temana ya 9 e re e dirile? Naledi e kgonne bjang go ema “godimo ga lefelo leo Ngwana a bego a le go lona”? karabo ke gore: ga re tsebe.
Therešo ke gore naledi e dirile selo se ka setlwaedi e ka sa se dirego ka gobane Modimo o e hlamile ka tsela yeo. Mateu o laetša Modimo a huetša dinaledi lefaufaung go hwetša Banna ba bohlale ba go se tsebje go ya Jerusalema gore ba kgone go mo khunamela.
Se ke maikemišetšo a gagwe a magolo dilong ka moka – gore Morwa wa gagwe a tsebje le go khunamelwa.
