Bohlale bjo bo sa felego – Letšatši 16

₁₆Ke tla kgopela Tate a le fa Mothuši yo mongwe wa go tlo dulela le lena sa ruri.

₂₆Mothuši, e lego wona Moya wo Mokgethwa, wo Tate a tlago o roma a kgopetšwe ke nna, o tla le ruta dilo ka moka, a le gakolla tšohle tše ke le rutilego tšona.

₈Gomme ge a tlile o tla kgodiša batho ba lefase gore tše ba di naganago mabapi le sebe, le mabapi le toka, le mabapi le kahlolo ga se tšona.

₃Bjale ke nyaka gore le tsebe gore ga go motho yo e ka rego a bušwa ke Moya wa Modimo a re: “Jesu a a rogakwe!” Le gona ga go motho yo a ka rego: “Jesu ke Morena,” ge e se ge a bušwa ke Moya wo Mokgethwa.

₂₁Yo a tiišago botee bja rena le lena go Kriste ke Modimo; ke yena Modimo yo a re kgethilego gore re mo direle; ₂₂ke yena a re swailego, a tsenya Moya wo Mokgethwa ka dipelong tša rena ya ba tiišetšo ya gore re tla hwetša tše a re beetšego tšona.

₂₁Gobane Modimo, ka bohlale bja gagwe, o dirile gore batho ba lefase ba se kgone go mo tseba ka bja bona bohlale. O ratile gore a phološe bao ba dumelago ka molaetša wo re o gašago wo go thwego ke bošilo.

₁₇Etse tumelo e tšwa go kweng, mme molaetša o tla ka go begwa ga Kriste.