Bohlale bjo bo sa felego – Letšatši 9

₁₅Kriste ke seswantšho sa Modimo yo a sa bonalego. Ke yena yo a fetago dihlolwa ka moka;

₁₆“Gobane Modimo o ratile lefase kudu mo a ilego a ba a le fa Morwa wa gagwe a le noši, gore mang le mang yo a dumelago go yena a se lahlege, eupša a be le bophelo bjo bo sa felego. ₁₇Gape Modimo ga se a roma Morwagwe lefaseng gore a tle a le ahlole, o mo romile gore a tle a le phološe.

₁Mehleng ya kgale Modimo o boletše le borakgololokhukhu ba rena gantši le ka mekgwa ye mentši ka baprofeta, ₂ya re mehleng yeno ya mafelelo re phelago go yona a tla a bolela le rena ka Morwagwe. Ke yena yo a hlodilego legohle ka yena, yo a mmeilego mojalefa wa tšohle. ₃Go yena go bonala letago la Modimo, ke yena seswantšho sa nnete sa sebele sa Modimo, gomme o lota tšohle ka lentšu la gagwe le maatla. Ge a phethile modiro wa go hlatswa batho dibe, o ile a yo dula legodimong madulong a bogoši kgauswi le Modimo Kgoši.

₁₈Ga go motho yo a kilego a bona Modimo. Batho ba mo tseba ka go mo utollelwa ke Morwagwe, Motswalwanoši, yo ka boyena e lego Modimo, yo a lego kgauswi le Tatagwe.

₂₈Jesu ge a le gare a ruta batho Tempeleng, a bolelela godimo a re: “Go ntseba le a ntseba, le mo ke tšwago gona le a go tseba. Fela ga se ka itliša, ke romilwe ke yo a tshepegago, gomme yena ga le mo tsebe. ₂₉Nna ke a mo tseba, ka gobane ke tšwa go yena ebile ke romilwe ke yena.”

₁“Le se ferekane; le dumele go Modimo, le nna le dumele go nna.

₈Filipi a re go yena: “Morena, re bontšhe Tatago, ke mo re tlago wa pelo.”

₉Jesu a mo fetola a re: “Filipi, nka re ke dutše le lena nako ye kaaka wa se ntsebe? Gape yo a bonego nna o bone Tate. Bjale wena o reng o re ke le bontšhe Tate? ₁₀Kgane ga o dumele gore nna ke mo go Tate, le Tate o mo go nna? Tše ke le botšago tšona tše ga se tša ka, ke tša go dirwa ke Tate yo a dulago a le mo go nna. ₁₁Ntumeleng ge ke re ke mo go Tate, le Tate o mo go nna. Ge le sa dumele ka lebaka la tše ke di bolelago, le upše le dumele ka lebaka la tše ke di dirago.

₂gobane o mphile maatla a go buša batho bohle, gore bohle ba o mphilego bona ke tle ke ba fe bophelo bjo bo sa felego.