Bible Society of South Africa

Bileditšwe go hlokomela – Letšatši 28

Thapelo ya bahlokomedi

(Di)temana ya Bibele

BAEFESO 1

Thapelo ya Paulose

15Ka lebaka leo, e sa le mola ka kwago ka mo le dumetšego go Morena Jesu le ka mo le ratago badumedi bohle, 16ga se nke ke lese go le lebogela go Modimo ge ke le gopola ke rapela, 17gomme ke kgopela Modimo wa Morena wa rena, Jesu Kriste, yena Raletago, gore a le fe Moya wo Mokgethwa, yo a tlago le hlalefiša, a le utollela Modimo gore le mo tsebe. 18Ke rapela gore a le bonegele menagano, gore le tsebe se le bileditšwego go se holofela, le tsebe ge tše Modimo a tlago di fa badumedi e le tše di makatšago ruri, 19le gore maatla a gagwe mo go rena re dumelago ke a makaakang. Ona maatla a a šomago mo go rena ke ona ale a magolo 20a ilego a a šomiša mola a tsoša Kriste bahung a mmea madulong a bogoši kgauswi le yena kua legodimong. 21Ke gona mo Kriste a okametšego magoši ohle a semoya, le balaodi bohle ba semoya, le maatla ohle a semoya, le babuši bohle ba semoya; o na le maemo a a fetago a babuši bohle ba mehleng yeno le ba ye e tlago. 22Modimo o dirile gore tšohle di bušwe ke Kriste, a mo fa kereke gomme a ba hlogo ya tšohle. 23Kereke ke mmele wa Kriste yo a e tlalago, yena Motlalatšohle mo gohle.

BAEFESO 1:15-23NSO00Bula go Mmadi wa Bibele

Thapelo ye e latelago ya moapostola Paulose go Bakriste ba Efeso e swanetše kudu bahlokomedi.

Bible Society of South Africav.4.28.1
RE HWETŠE GO