Bible Society of South Africa
Dithulaganyo tša go bala
Bileditšwe go hlokomela
Bileditšwe go hlokomela – Letšatši 3

Bileditšwe go hlokomela – Letšatši 3

Modimo ke mothopo wa tlhokomelo ka moka

(Di)temana ya Bibele

JESAYA 40

Mantšu a kholofelo

1Modimo wa rena o re:

“Homotšang setšhaba sa ka,

se homotšeng!

2Beang batho ba Jerusalema pelo!

Le ba botše gore ba tlaišegile, go lekane,

ba lefeleditše dibe tša bona.

Ke ba otlile kudu go lekana dibe tša bona.”

JESAYA 40:1-2NSO00Bula go Mmadi wa Bibele

JESAYA 49

13Goang ka lethabo, lena magodimo!

Letša mokgolokwane, wena lefase!

Dithaba a di duduetše ka gobane Morena o tlilo homotša setšhaba sa gagwe;

o tla se šokela ka ge se tlaišega.

14Eupša ba Jerusalema bona ba re:

“Morena o re lahlile!

Mong wa rena o re lebetše.”

15Fela Morena yena o re:

“Kgane mosadi a ka lebala lesea la gagwe,

a se rate ngwana yo a mmelegego?

Le ge eba a ka mo lebala,

nna nka se tsoge ke lebetše lena,

setšhaba sa ka.

16Wena Jerusalema,

nka se tsoge ke go lebetše!

Ke ngwadile leina la gago ka diatleng tša ka.

Merako ya gago ke dula ke e gopotše.

17“Ba ba tlago go go aga ka lefsa ba kgauswi le go tla,

gomme babolai le bafediši ba gago ba tla tloga.

18Lebelela ka gohle o bone tše di diregago!

Batho ba gago ba a kgobokana –

ba boela go wena.

Ke ikana ke le Modimo yo a phelago,

ke re batho ba gago ba tla go kgabiša boka monyadiwa ge a kgabišitšwe ka dikgabišo.

JESAYA 49:13-18NSO00Bula go Mmadi wa Bibele

2 BAKORINTE 1

Paulose o leboga Modimo

3A go retwe Modimo, Tatago Morena wa rena, Jesu Kriste, yena Ralešoko, Modimo, Mokgothatši wa ka mehla. 4O re kgothatša mathateng ohle a rena, gore ka kgothatšo ya gagwe le rena re tle re kgone go kgothatša ba bangwe ge ba le mathateng a mehutahuta. 5Bjalo ka ge le rena re tlaišwa kudu go etša Kriste ge a ile a tlaišwa, Modimo le yena o re kgothatša kudu ka yena Kriste. 6Ge re hlokofatšwa, ke gore lena le kgothatšege, le phološwe; ge re kgothatšwa, ke gore le lena le kgothatšege, le fiwe maatla a gore le kgone go meletša ka kgotlelelo mahloko ao le rena re a meletšago. 7Ke ka lebaka leo go le tshepa ga rena go sa tekatekego; re tseba gore ge le hlokofatšwa bjalo ka rena, le go kgothatšega le kgothatšega bjalo ka rena.

2 BAKORINTE 1:3-7NSO00Bula go Mmadi wa Bibele

Go fa tlhokomelo go akaretša go kgothatša – go leka go ka okobatša tlhophego ya mongwe; nameng, maikutlong le semoyeng. Bibele e bolela gantši ka se, kudukudu mabapi le Modimo a kgothatša bana ba gagwe goba go laela mongwe go ba kgothatša.

Mo lengwalong la gagwe la bobedi go ya go kereke ya Korinte, moapostola Paulose o hlaloša mo mothopo wa rena wa kgothatšo o lego gona, gape le bokgoni bja rena bja go ka kgothatša ba bangwe.

Bible Society of South Africav.4.26.9
RE HWETŠE GO