Dikholofetšo tše botse tša Modimo – Letšatši la 9

Bokriste ke bodumedi bja lethabo – go thabela go phela, go thabela go neela.

Morongwa wa Morena a tliša taba ye botse bošego bjo bongwe go badiši ka ntle ga Bethlehema: “… Ke tlile go le botša taba ye botse ye e tlago thabiša setšhaba ka moka kudu. Lehono kua motseng wa Dafida le tswaletšwe Mophološi yo e lego Kriste Morena” (Lukase 2:10-11).

Mantšu a morongwa ya ba nnete. Lethabo ke sehlogo se tšwelelago leboelela kerekeng ya Bakriste. Lethabo le tlhalalo di ngwetšwe go feta makga a lekgolo le masometharo ka go Testamente ye Mpsha.

Bophelo lega go le bjalo, ga bophele bo thabiša. Mathata le matshwenyego a ka re nola moko. Ge madimo a bophelo a re tšhošetša, re hloka ke go latela keletšo ya Paulose: “Thabang ka mehla le le ba Morena. Ke a boeletša, ke re thabang!” (Bafilipi 4:4).

Go sa šetšwe maemo a rena, re hloka go lebelela go Jesu gore lethabo la rena e be le le feletšego.

Jesu o tlile lefaseng go kgethwafatša Modimo ka go utolla lerato la Modimo go batho le go ba nea bophelo bjo sa felego.

Jesu o šomišitše monyetla o mongwe le o mongwe go fihlelela ba bangwe. Re swanetše go leka go latela mohlala wa gagwe. Le ga go akaretša go tšwa lefelong la rena la boiketlo. Ga go bonolo ka mehla. Ge re na le mathata a rena, go boima go ka tšwela pele le go myemyela.

Jesu o tsebile gore barutiwa ba gagwe ba tlo robega dipelo ge a hlokafala gomme a ba homotša ka kholofetšo: “… gonabjale le nyamile, eupša ke tla le bona gape gomme le tla thaba; lethabo leo la lena le ka se le amogwe ke motho” (Johanese 16:22).

Ga go se se kago fediša lethabo la rena ka go tseba gore re rapela Mophološi yo a tsogilego bahung gomme ka letšatši le lengwe re tla kopana le yena ka sebele. Leo e tla ba letšatši le le kgahlišago.