Dithuto tša bophelo go tšwa Bibeleng – letšatši la 10

Ge go be go na le motho yo a sa fiwago leina la maleba, e be e le Athalia (Modimo ke e mogolo). Athalia e be e le morwedi wa Kgoši Ahaba wa Israele le Mohumagadi Isebele, mosadi yo mobe kudu ka gare ga Bibele.

Athalia o be a nyetšwe ke Joramo, yo e bilego Kgoši ya Juda. Go swana le Isebele, Athalia e be e le morapedi wa phišego wa Baale. O be a hloile boprista le bohle bao ba bego ba latela Modimo o tee wa kgonthe.

Morago ga pušo ya mengwaga ye seswai, Joramo a hlokafala. Morwa wa gagwe, Ahasia, ya ba kgoši gomme yena a bolawa ke bahlabani ba go menola mmušo kua Israele. Ge a ekwa ka lehu la morwa wa gagwe, Athalia a bolaya ka ntle le kwelobohloko ditlogolo tša gagwe ka moka gomme a ipha setulo sa bogoši.

Athalia a sa tsebe, sesi o tee wa Ahasia a tšea morwa wa gagwe wa lesea, Joase, go barwa ba kgoši bao ba bego ba tlo bolawa. A mo uta le mofepi wa gagwe gomme morago a mo neela moprista, Joyada, gore balaodi ba Tempele ba mo hlokomele. Ba dirile mošomo wa bona gabotse, ba uta ngwana le mofepi ka Tempeleng mengwaga ye e selelago.

Ge Joase a na le mengwaga ye šupa, Joyada a loga leano la gore a bewe kgoši gomme ka go realo a šireletše tlhatlamano ya lešika la Dafida. A rulaganya moletlo wa go bea kgoši setulong ka Tempeleng ka tlase ga tšhireletšo ya batho ba ba bego ba itlhamile o šoro ka dibetša.
Ge Mohumagadi Athalia a ekwa modumo wa diphala le legoa la lešaba, a hlaganela Tempeleng. Ge a bona se se bego se direga, a gagola diaparo tša gagwe gomme a goelela a re: “Ke go uša mmušo! Ke go uša mmušo!” (2 Dikronika 23:13)

Baleti ba mo tšea gomme ba mmolaya. Lešaba la kgereša tempele ya Baale, ba phušola dialetare ka moka le Medimo ya diswantšho le go bolaya Mathane, moprista wa Baale. Joyada gomme a dira kgwerano ya gore yena, setšhaba le kgoši e tla ba setšhaba sa Morena.
Gomme gwa fela pušo ya madi ya kgošigadi e le tee yeo e tsokamego setulo sa bogoši sa Juda. Go swana le mmagwe pele, boikimišetšo bja gagwe bja kganyogo ya pušo bo tlišitše go wa go šoro ga gagwe.

Le ga go le bjalo mafelelong, tutuetšo ya pušo e mpe ya gagwe e retološeditše Juda go kgwerano ya Morena. Modimo a godišwa.