Dithuto tša bophelo go tšwa Bibeleng – letšatši la 5

Orpha o phetše nakong ya baahlodi, nako yeo ntwa e bego a ka thoma nako efe goba efe magareng ga Israele le Moaba. O be a nyetšwe ke Kilione, morwa wa Naume, nakong ya mengwaga ye lesome yeo lapa la gagwe le e dutšego Moaba. Monna wa Naume, Elimeleke, morwa wa bona, Maglone, yo a bego a nyetše Rute le Kilione ka moka ba hlokafala. Ke fela Naume le dingwetši tša gagwe tše pedi, Orpha le Rute, bao ba šetšego.

Go be go na le tlala Israele. Naume a kwa gore Morena o thušitše batho ba gagwe kua Israele ka go ba nea dijo. O ile a tšea sepheto sa go boela motseng wa gabo wa Bethlehema.
Naume a botša Orpha le Rute gore go kaone ba ipoelele magaeng a bomma bona gomme a rapela gore Morena o tla ba šegofatša. Bobedi Orpha le Rute ba gana go tlogela Naume. “Aowa hle! Re tla ya nago go batho ba geno” (Rute 1:10).

Naume a ba hlohleletša gore ba ipoelele gae. Rute a gana a phegelela go sepela le Naume. “…Batho ba geno e tla ba batho ba gešo, mme Modimo wa gago e tla ba Modimo wa ka” (Rute 1:16).

Orpha, lega go le bjalo, o tšea sepheto sa go ipoelela go batho ba gabo le medingwana ya bona gomme o ba laela a lla. Orpha pejana o enile gore o tla sepela le Naume le Rute, eupša mafelelong lapa la gabo le medingwana ya bona go ipontšhitše go ba selo se bohlokwa kudu.
Bibele e bolela go le go nnyane ka Orpha, eupša go le go ntši ka Rute. O nyala Boase gomme e ba makgolo-khukhu wa Kgoši Dafida le makgolo-khukhu wa Morena wa rena Jesu (Mateu 1:5)

Go na le dinako moo re itshwarago bjalo ka Orpha. Re nyaka go dira selo sa maleba le go phela bophelo bja go boifa Modimo, eupša re ineela go diteko tšeo di re arošago.