Dithuto tša bophelo go tšwa Bibeleng – letšatši la 8

Motho yo mongwe o kile a re ka nnete re batho ba bararo. Motho yo batho ba bangwe ba naganago gore re yena, motho yo re naganago gore re yena, le motho yo ka nnete re lego yena. Jesu ga a bona Nathaniele bjalo. Nathaniele, Mojuda yo a tlwaelegilego go tšwa Kanana, kua Galilea, a kwa ka Jesu go tšwa go Filipi yo a mmoditšego gore Jesu ke yena yo Moshe le baprofeta ba ngwetšego ka yena.

Nathaniele o a gonona le go dira phošo ya go swana le ye ba bantši ba kgethollo ba sa e dirago lehono. Ka ntle le go tseba Jesu, Nathaniele o ahlola Jesu ka lefelo leo a goletšego go lona. “Na go na le se sebotse se se ka tšwago Nasaretha?” (Johanese 1:46). Filipi o mmotša gore aye a yo bona.

Nathaniele, yo a ithutetšego molao le dingwalo mabapi le Mesia, o ile a dira seo gomme Jesu a mo dumediša ka temana ya rena ya lehono. Nathaniele a botšiša Jesu gore o tsebile bjang gore ke yena mang. Jesu a fetola ka gore le gaešita pele Filipi a mmitša, o mmone ka fase ga mohlare wa mogo (Johanese 1:48). Nathaniele a tšewa ke maikutlo gomme a neela pelo ya gagwe go Jesu. “Moruti”, a realo, “o Morwa wa Modimo! Ke wena Kgoši ya Israele” (Johanese 1:49).

Jesu o tshepiša gore dilo tše kgolo le go feta di sa tlo direga go yena ka lebaka la tumelo ya gagwe gomme ka nnete tše di phethagetše.

Ge Jesu a re lebelela, bao re lego bona le moo re dulago gona ga di bohlokwa go yena. Se bohlokwa ke ka fao re lego kgonthe ka gona. Jesu o lebelela ka pelong ya Nathanielele gomme a bona gore go be go sena maitirišo.

Jesu o re bitša go lahla maitirišo a rena le go tla go yena ka pelo ye e bulegilego. Go na le dilo tše kgolo tše di tlago direga go bao ba dirago bjalo.