Ditswalano – Letšatši la 1

Ditswalano tša go loka le tše botse di bopa motheo wa leano la Modimo go tlholo. Go tloga matswalong go fihla lehung re phela bophelo bjo bo nago le ditswalano. Go tšwa go tswalano le Yena (yeo A e thomilego), sa pele re batho go yena eupša sammaletee gape re batho go ba bangwe.

Ditswalano tše botse di nyaka gore rena sa pele re rate Modimo a nnoši, Modimo yo a lego karolo ya setho se sengwe le se sengwe sa mmele wa rena. Lega go le bjalo, ka mo go lekanago ka boleng le bohlokwa, ke lerato le re swanetšego go ba le lona go batho (“baagišane” ba rena) – lerato le le lekanago le le re ithatago ka lona (Markose 12:29-31).

Jesu o bea mohlala: “Ruri, ruri, ke le botša gore Morwa wa Modimo a ka se kgone go dira selo ka boyena; o dira fela se a bonago Tate a se dira. Tše Tate a di dirago ke tše le nna, Morwagwe, ke di dirago” (Johanese 5:19). Gomme o re go barutiwa ba gagwe: “Lerato la go feta la ge motho a ka hwela bagwera ba gagwe ga le gona” (Johanese 15:13). O hlatsetša go bona gore ke bagwera ba gagwe: “Lena ke le bitša bagwera ka gobane ke le begetše tšohle tše ke di boditšwego ke Tate” (Johanese 15:15).

Ga se mang le mang yo re kopanago le yena yo e bago mogwera wa rena, eupša kamano le batho e tliša ditswalano go maemo ka moka. Go šoma mmogo le bašomi-gotee go hlaloša tswalano ya mošomo (mohlomongwe e botse); kgwebo e a atlega ge go na le tswalano e botse magareng ga beng, bareki le baabedi, motho yo a šomago thiling lebenkeleng le legolo ke tswalano ya kgwebo ya nakwana. Gomme go na le lapa – ga se batho ka moka bao e lego bagwera ba gago, eupša ke batho ba o ba swarago ka mokgwa wo o fapanego goba wa go ikgetha.

Go sa šetšwe ditswalano tše re nago le tšona, modumedi yo mongwe le yo mongwe yo a ipolelago o na le boikarabelo bja go obamela se Lentšu le re rutago sona: “Le se itefeletše go bao ba le dirago bobe. Le leke go dira tše batho bohle ba bonago e le tše di lokilego. Le dire ka mo le ka kgonago ka gona go phedišana le batho ka moka” (Baroma 12:17-18).

Ted Haggard o dira kakaretšo ya nnete ye ka bokgoni go puku ya gagwe, The Life-Giving Church: “Selo sefe goba sefe se Modimo a se dirago maphelong a rena, ga se na bohlatse go fihlela ge se lekwa go ditswalano.”