Ditswalano – Letšatši la 16

Ga go motho yo a sa itemogelego mathata boemong bjo bo itšego bja bophelo bja gagwe. Ba bangwe ba sola Modimo ka mathata a bona, ba bangwe ba robala fase ka diaparo tša go ilela le melora, gomme ba bangwe ba befeletše kudu bao ba gononago gore ke bona ba bakile mathata a bona. Mathata ke karolo ya bophelo bja rena lefaseng le le robegilego, eupša ka fao re iphetolelago go laetša ka fao a amago maphelo a rena.

Dafida o itemogetše mathata a mantši bophelong bja gagwe, eupša boikarabelo bja gagwe go maemo a a lekago e be e le go kgopela Modimo bogona bja Gagwe, thušo, maatla, le bokgoni bja go mo phološa bobeng. Ke ka lebaka leo a rego: “Moloki o atelwa ke madimabe, eupša Morena o mo ntšha go ona ka moka” (Pesalome 34:19).

Re bala go 1 Samuele 30 mabapi le tiragalo ge Tsikelage, motse wo Dafida a dutšego go wona ge a be a tšhaba Saulo, e fešitšwe lorelore gomme basadi ka moka le bana ba thopšwa ke Baamaleke. Hlokomela ka fao batho ba ikarabetšego ka go fapana ka gona tabeng yeo e mpe: banna ba ba huduegilego moyeng ba be ba nyaka go kgatla Dafida ka maswika, mola Dafida yo le yena a bego a huduegile moyeng a “ithekga ka Morena Modimo wa gagwe” (1 Samuele 30:6). A gana go ikwela bohloko – go kaone a itefeletše! Yo a mo tiišago, e bile kgato ya gagwe ya pele. A botšiša Modimo ge e ba a hlomare bathopi. Modimo a “dumela”, gomme yena le banna ba hlomara lenaba.

Modimo o šomile le bona.

Tseleng, ba hwetša lekgoba le le babjago la Baamaleke leo le kgathilego tema tlhaselong ya Tsikelage. Ba mo fa dijo gomme yena a ba iša moo madira a Baamaleke a bego a le gona ba phatlaletše le naga, mola ba le gare ba ipshina ka dithebola tše ba di tšerego kua Tsikelage. Phenyo ya Dafida e bile monate – a ba fenya, a lokolla basadi ka moka le bana, gomme a tšea morago dithebola ka moka.

Kanegelo ye e tliša potšišo go wena: Ekaba o rata le go tshepha Morena kudu go itiša ka Yena le go botšiša go Yena ge mathata a etla go wena? Ge A ka go araba, ekaba o a mo obamela? Gobane mafelelong, se ke sona se se go tiišago!

Ge motho a itiiša ka Morena, o a itlhohleletša, gomme o bolela a le tee ka go hlaboša lentšu: “Wena pelo ya ka, o reng o hlokofetše gakaaka? O reng o ferekane? Tshepha Modimo, gobane ke tla buša ka mo tumiša, yena Mophološi le Modimo wa ka” (Pesalome 42:5).

Go bolela o le tee go tletše ka dilo tše botse – ga go fe go nolega moko, pelaelo, goba manyami sebaka – ka gobane motho o tshepha Modimo. O sepela ka gare ga dinako tše boima, ka gobane Modimo ke mogwera wa gagwe. Mafelelong a tlhopego, o sa na le kopelo ya go tumiša, ka gobane Midimo o mo phološitše.