Ditswalano – Letšatši la 3

Maabane re boletše ka dikholego tša nako ya go raloka le ka fao bana le Jesu ba hlagišago go raloka.

Ge batho ba bagolo ba nyaka go raloka, gantši go nyakega phetogo ya ditsela tša go nagana, go tšwa ka gare ga mafelo a boiketlo le sebete sa go tšwa ka go beta pelo le mafolofolo, bjalo ka bana, go ka diriša monyetla le go raloka – go sa šetšwe lebaka la gore dilo di a direga bophelong.

Morago nakong ya ge ke be ke etetše bomedišetšo, ke kwele ka morago ga ka maotwana a troli le motho yo a bego a sega kudu: “Oh, se ke bophelo! Kitima!” Godimo ga troli go be go dutše mokgekolo e mmotse ge mošomedi a la gare a mo kgokološa ka troli ka lebelo le dimela tša gagwe magareng ga ditsejana tša magareng tše kgolo tša bomedišetšo. Selo sa botlaela?Aowa! Ke mosadi yo a šomišitšego monyetla go keteka tswalano ya gagwe le batho!

Batho ba bagolo ba raloka bjang? Go tlhago kgauswi le tlholo ya Modimo, ka dipuku tše botse, go otlela sethuthuthu ka lebelo le legolo e le go ithabiša, bokgabo, ditloša-bodutu, mmino, go lora mosegare le tše dingwe tše ntši.

Ka boripana, o a raloka ge e tlogela ka boomo go dira dilo tše o di tlwaetšego tša letšatši le letšatši gomme wa dira tše o sa di tlwaelago. Lega go le bjalo, ge o na le maitemogelo a le ba bangwe, o bula lemati la go ka humiša ditswalano tše.

Gape go akaretša ditiragalo moo baratani ba bapalago ka lethabo bjalo ka bana, ba bina le go opela – selo se Isaka le Rebeka ba se dirilego ka katlego, kudukudu moo se tantšego šedi ya kgoši: “Ge Isaka a bile fao lebaka, Kgoši Abimeleke a okamela ka ntle ka lefasetere gomme a bona Isaka le Rebeka ba bapadišana” (Genese 26:8).

Diphetolelo tše dingwe tša Bibele di hlaloša go raloka ka kgopolo ye bjalo ka go gokara goba go bapadiša, eupša lentšu la Segerike la go raloka le hlaloša gore “go bapala bjalo ka ngwana” (Pukuntšu ya Vine Expository). Go sa šetšwe gore boemo ke bofe, Moya wo Mokgethwa o tšere tiragalo ye go ba e bohlokwa kudu go ka tutuetša mongwadi go e dira ya go sa felego.

Ke nyaka go le gopotša ka Lengwalo la maabane moo Jesu a bolelago le batho: “Batho ba mehleng yeno nka ba swantšha le eng? Ba swana le bana ba ba dutšego mapatlelong a motse ba goelelana ba re: ‘Re le leleditše dinaka, la se bine! Ra le retela sereto sa mahloko, fela la se lle!’ ” (Mateu 11:16-17). Ka nnete, go tutuetša batho go raloka e be e se maikemišetšo a Jesu, eupša seripa se sa lengwalo se hlaloša gabotse go se kgathe tema le go se thabele go raloka ga batho ba bagolo – re ema re sa šikinyege ge mmino wa bophelo o raloka.