Etlang go nna – Letšatši la 12
Dilo tše nnyane di bohlokwa
(Di)temana ya Bibele
JESAYA 44
JESAYA 44
ESRA 1
Korese o laela Bajuda gore ba boele gae
Go na le selo se se fapanego ga nnyane ka seprofeto se. Se bolela motho ka go lebanya ka leina, go e na le go nea tlhalošo. Gopola se re se badilego nakong e fetilego – Modimo o re tseba ka maina a rena le gore re ba gagwe. Go tefa moo, ke karolo ya bokamoso bja rena.
Temaneng ye, Modimo ga a profete feela bokamoso, eupša o dira bjalo ka go bolela leina la motho! O be a tseba leina la Korese pele a belegwa. Go ditšhupo tše Jesaya a re neago tšona le go baleng Esra 1:1-3, re kwešiša gore Korese yo e be e tlo ba kgoši ya Persia – kgoši ye e laetšego gore Jerusalema e tsošološwe le tempele. Baithuti ba Bibele ba dumela gore Jesaya o profetile gore Korese e tla ba kgoši mengwaga ye 150 e sa le pele!
Lemoga tšhupetšo go “go pšheša lewatle” le go gopiša ga dinoka. Se se ama Korese bjang? Ka 539 BC, Cyrus o dikaneditše motse wa Babilonia. Batho ka gare go motse ba be ba sa tshwenyega ka gore ba be ba bolokile dijo tše ba bego ba tla di ja mengwaga ye 20. Le ge go le bjalo, madira a Persia a fapoša Noka ya Yufratese, ye e bego e elela ka tlase ga motse wa Babilonia, gomme ge meetse a gopile, madira a gagwe ba tsene ka motseng ka tlase ga dikgoro ka mabopong a noka. Babilonia ya fenywa ke Korese.
Re na le Modimo yo a sa tsebego fela bokamoso, o tseba dintlha tša se se tlago direga gomme o na le leano le le feletšego go batho ba gagwe. Modimo o go tseba ka leina, gape o na le leano la bophelo bja gago.
