Etlang go nna – Letšatši la 4

Bjale ka ge re badile maabane, Jesaya o be a šetše a profitile ka go wa ga kgwerano ya Siria le Israele (Jesaya 7:7-9). Ga bjale, o nea seprofeto se sengwe ka tiragalo e swanago. Jesaya o swere papetla e kgolo gomme o ngwala go yona mantšu “Thopelo le tšeelo di kgauswi”. E bile molaetša wa phatlalatša, wo mang le mang a bego a kgona go o bala le go o kwešiša (Jesaya 8:1-4). Jesaya o be a sa tsebe ka nako yeo, eupša go be go tlo ba leina la morwa wa gagwe yo a bego a tlo belega.

Maher-Shalal-Hash-Baz ke leina le le telele ka Bibeleng gomme le hlaloša gore “thopelo le tšeelo di kgauswi”. Mošemane e tla ba segopotšo sa molaetša wa Morena. Nakong ya dikgwedi, Baasiria ba tla hlasela le go thopa dilo ka moka tše bohlokwa kudu.

Ipee boemong bja Kgoši Ahase. Temaneng ya go feta ya Temana ka letšatši, re ithutile gore o tšere sephetho sa go tshepha kgoši ya Asiria go e na le Modimo. Ka go šomiša gauta le silibera tša ka tempeleng, o loba kgoši ya Asiria gore e fenye manaba a gagwe, Siria le Israele (2 Dikgoši 16:8). Kgoši ya Asiria o dira bjalo, gomme ke nagana gore ka nako yeo Kgoši Ahase o be a ipetha sefega. Le ge go le bjalo, Ahase o be a palela ke go laola Baasira, gomme dikgaruru le tshenyo ya bona di be di tla fediša Juda gape.

Ke ka lebaka la eng Jesaya a ngwetše leina la mošemane go papetla gore batho ka moka ba e bone, pele ngwana a belega? Seprofeto sa Jesaya se hlatsetša gore Modimo o laola dilo, e se maano a Ahase goba maatla a sešole a Baasiria.

Naa e sa le wa ikhwetša o le boemong bja Kgoši Ahase? Moo o itshephilego goba go tshepha batho ba bangwe gomme dilo tša ba gabotse? Mohlomongwe, o nagana gore go na le selo se se diregilego ka lebaka la khuetšo ya motho yo mongwe go e na le maatla a Modimo.

Lehono, bjalo ka nakong ya Jesaya, maemo a a sa laolegego a sa le ka tlase ga taolo ya Modimo. Se be karolo ya manaba a Modimo ka gobane dilo di ka fetoga nakong e tlago. Go phetogo ye nngwe le ye nngwe ya maemo, Modimo o tla swara letsogo le le fentšego.