Etlang go nna – Letšatši la 6

Seprofeto sa Jesaya se ka be se kwagetše bjalo ka bogaswi, ka nako yeo. Go sona, o bolela ka phedišo ya Babilonia, ye e sa fedišwago go fihlela mengwaga ye 85 ka morago ga lehu la gagwe, ke Bamediane, sehlopha se sengwe seo se bego se tlo buša. Ka mantšu a mangwe, Jesaya o boletše ka ditiraglo le batho ba ba bego ba se ba belegwa nakong ya ge a sa phela. Go oketša moo, diprofeto tše di phethagaditšwe gabotse ka botlalo – pontšho ye e makatšago ya maatla a makatšago a Modimo.

Babilonia e fedišitšwe ka mo go feletšego, bjalo ka ge Jesaya a profetile. Maboto a makoto ao a bego a maatlafaditše motse ga bjale a kgerešitšwe ka mo go feletšego. Jesaya o ngwetše gape ka Mediane le Persia, mmušo wo o bego o se gona nakong ya ge a sa phela. Le ge go le bjalo, o profetile gore ba tla fediša Babilonia. Se gape se phethagaditšwe mengwaga ye makgolokgolo ka maorago, ge Dariose wa Media a bolaya Belshatsare (Daniele 5).

Ge re bala tiragalo ye ya bogologolo, ka kwešišo ya histori, go molaleng go rena gore Jesaya o ngwetše diprofeto tše ka tlhahlo ya Moya wo Mokgethwa – o be a sa bolele ditšiebadimo.

Re ka ba le nnete ya gore ga go selo lefaseng le se se ka emelanago le kahlolo ya toko ya Modimo. Ka gona, a re tsepeletšeng mahlo a rena go dilo tše di swarelelago – Modimo le dikholofetšo tša gagwe.