Segwera – Letšatši la 2


Dika tša bagwera ba nnete ba Bakriste
(Di)temana ya Bibele
JOHANESE 15
DIEMA 18
DIEMA 27
Ka gona, naa segwera sa Bakriste se lebega bjang? A re se hlalošeng ka dika tšeo di lego bonolo go ka di tseba.
Bagwera ba Bakriste ba rata ka boikgafo
Lerato la go feta la ge motho a ka hwela bagwera ba gagwe ga le gona. Johanese 15:13
Jesu ke mohlala o mokaonekaone wa mogwera wa nnete wa Mokriste. Lerato la gagwe go rena ke la boikgafo, ga a timane ka lona. Ga a le šupetša fela ka mehlolo ya gagwe ya phodišo, eupša gape ka mo go feletšego ka tirelo ya boikokobetšo ya go hlapiša barutiwa ba gagwe maoto, gomme, mafelelong, ge a gafa bophelo bja gagwe sefapanong.
Bagwera ba Bakriste ba tshepha ka mo go feletšego
Bagwera ba bangwe ba a lahletšana, ba bangwe bona ba tshephagala go feta bana ba motho. Diema 18:24
Seema se se re gopotša gore Mokriste wa nnete o a tshephega le go re lemoša gore re swanetše go lebelela fela go abelana tshepo e feletšego le bagwera ba mmalwa ba go botega. Go tshepha gabonolo go a lahletšana, ka gona hlokomela mabapi le go tshepha mogwera fela. Ge nako e dutše e eya, bagwera ba rena ba nnete ba Bakriste ba tla ipontšha go tshephega ga bona ka go ba kgauswi kudu le rena go feta buti goba sesi.
Bagwera ba Bakriste ba a loutšana
Tshipi e lootšwa ka ye nngwe, motho le yena o betlwa ke batho. Diema 27:17
Bagwera ba nnete ba Bakriste ba tla loutšana maikutlong, semoyeng le nameng. Re amogela maatla, tlhohleletšo le lerato. Re a bolela, re a lla, re a theeletša. Le ge go le bjalo, ka dinako tše dingwe, re swanetše go bolela dilo tše thata go bagwera ba rena ba re ba ratago tše ba hlokago go di kwa. Eupša, ka lebaka la go tshephana le go amogelana, re batho ba ba ka huetšago dipelo tša bagwera ba rena, ka gobane re tseba ka fao re bolelago molaetša o boima ka nnete le mogau. Ka go dira se, mogwera wa go loka o tla go dira gore o bule mahlo, o hlalefe le go ba le mohola kudu go Modimo.
Segwera sa nnete sa Bakriste ke matlotlo a sewelo. A tšea nako go hlokomelwa le go šireletšwa, eupša tshepetšong, re gola go ba bjalo ka Kriste.