Segwera – Letšatši la 8

Ka Bibeleng, re bala gararo gore Abrahama e be e le mogwera wa Modimo (2 Dikronika 20:7; Jesaya 41:8; Jakobose 2:23). Polelo e makatšago! Ye e be e se tekolo ya Abrahama ya tswalano, eupša Modimo ka boyena. Go temana ya lehono, Jakobose o tsopola Jesaya 41:8. “Eupša lena Baisraele, bahlanka ba ka, bana ba Jakobo, ke lena setšhaba se ke se kgethilego, ditlogolo tša Abrahama, mogwera wa ka.” Nagana ka seo nakwana. Akanya gore Modimo Ramaatlaohle, wa go sa felego, yo a tsebago tšohle a ka nagana ka motho wa go se phethagale, wa nama, yo a hlokafalago, bjalo ka mogwera wa gagwe.

Ba bile le tswalano ya tlhompho le kobamelo; Abrahama o tshephile Modimo go mo etela pele moo a bego a swanetše go ya gona. Abrahama e be e le monna yo a obamelago. Ge Modimo a bolela, Abrahama o be a obamela le semeetseng. Abrahama o obametše Modimo ge a tloga nageng le lapeng la gabo (Genese 12, Baheberu 11:8-10). O bontšhitše tumelo e kgolo mabapi le go dira sehlabelo ka Isaka (Genese 22, Baheberu 11:8-10). Abrahama ga se a leka go boledišana le Modimo ka ditaelo tša gagwe. Le ge a be a obamela Modimo, Baroma 4 e hlaloša gabotse gore phološo ya gagwe ga e a tlišwa ke mediro, eupša ka tumelo go kholofetšo ya Modimo ya Mophološi.

Segwera le Modimo ke tebanyo e bohlokwa gomme ye ka moka ga rena re kago e fihlelela. Abrahama e ka ba e bile yo mongwe wa banna ba bagolo ba Bibele, eupša o be a dira dibe. Jesu o rile, “Gomme lena le bagwera ba ka ge le dira tše ke le laelago tšona” (Johanese 15:14). Naa o mogwera wa Modimo? Ka mantšu a mangwe, naa o obamela dilo tše Jesu a di laelago?