Go Thoma ka Leswa – Letšatši la 10

O kopana kae le Modimo?

Go nyakišišo ye ke e dirilego, go hwetša mafelo ao batho ba bago le nako le Modimo letšatši le lengwe le le lengwe, mosadi o mpoditše gore o kopana le Modimo letšatši le lengwe le le lengwe seripa-gare sa iri mathuding a ntlo ya gagwe. Mosadi yo mongwe a re o ya mathudidimong metsotso e 15 mesong go yo re “Thobela” go Modimo le go mo kgopela bohlale mabapi le mešomo ya gagwe ya letšatši. O tee wa banna ba ke boletšego le bona o mpoditše gore o theeletša mmino wa go tumiša ge e a le tseleng ya go ya mošomong gomme ka gore o fihla metsotso ye 20 pele a ka thoma go šoma, o tswalela lemati la ofisi ya gagwe go ba le nako le Modimo.

Le ge batho ba bararo ka moka ba gatelela gore go sepala le Modimo go ra gore o ka bolela le yena letšatši ka moka, ka dinako tše dingwe ba swarega kudu moo e lego gore kopano ya mesong le Modimo e bohlokwa kudu go dira gore letšatši la bona le atlege. Le ge ka moka ba dumela gore, mathomong, go be go le boima go itlwaetša seo, ka moka ba maketše go hwetša gore bogona bja Modimo bo be bo šetše bo le gona ge ba fihla mathuding, mathudidimong goba ofising – mo go nyakilego go eba o ka re o fao gore ba kopane.

Theeletša gape mantšu go Jakobose 4:8: “Batamelang Modimo, gomme le yena o tla le batamela.”

Modimo o hlodile motho gore a be le tswalano le yena. Ke ka lebaka la eng o sa kgethe go tima radio nakwana tseleng ya gago ya go ya mošomong, go ka bolela le Modimo goba o fihle mošomong pele ga nako, gore o kopane le yena ka sephiring? O duma go bolela le wena lehono ka Moya wa gagwe wo Mokgethwa. Se re hlokago go se dira ke go dira nako ra theeletša! Modimo a go šegofatše.