Gopola maatla a gagwe – Letšatši la 17

Nagana nakwana, ka bobotse bjo bogolo bjo ditiro tše botse tša batho ba bagolo di bo dirilego lefaseng. Le ge lefase la rena le wele, ga re a swanela go lebala gore re bopilwe ka seswantšho sa Modimo gomme, ka gona, batho ba kgona go dira dilo tše kgolo tše botse, gape le bobe bjo bogolo le leswiswi. Baratabatho, mo mengwageng, ba dirile gore balwetši ba kgone go ya dipetlele, bana ba ba diilago ba ye dikolong, ba file ba ba swerego ke tlala dijo le mešome ye mengwe ye mmotse ye mentši go thuša ba ba palelago ke go ithuša. Motho o swanetše go gopola kotsi ya tlhago ya moragorago, bjalo ka tšhišinyego ya lefase goba meetsefula, go bona lentšu go ikarabela ditirong tše kgolo tša botho le go se timane. Le ge ditiro tše e ka ba tše botse, tša go tumišega le go retega (mohl. go loka ga rena), re ka no se tsebe Modimo. Go wa ga rena ke go go golo kudu, gomme go sa šetšwe gore re leka bjang, re ka se tsebe Modimo go fihlela yena a itsebiša go rena.

Temaneng ya ka godimo, re bala gore se ke sona se Modimo a se dirilego – “tokafatšo ya Modimo e utolotšwe”. Ke tokafatšo e bjang ye? Ke tokafatšo ya Kriste, ye e fetago ditiro ka moka tše botse tša batho, mo mengwageng ka moka. Ke eng eng se se dirago gore tokafatšo ya gagwe e be ye e kgethegilego? Ke gore o gafile bophelo bja gagwe bjo bo lokilego bjalo ka poelano ya dibe tša rena. Modimo o re holofeditše gore toka, ye e lego ya Morwa wa gagwe feela, e tla fiwa rena, badiradibe. Se se ra gore ga o a swanela go katanela go dira gore o amogelege go Modimo – ka gobane seo ke mošomo wa go se kgonege. Go e na le moo, toka e sa solegego ya Kriste, ye e filwego wena, ke ya bohle gomme e dira gore o amogelege go Tatagwe. Ka gona, nka ikwa ke le mopaledi, moya wa ka o le tlase, eupša ga bjale ke a tseba gore maikwelo a ka ga a bohlokwa. Ke se e lego nnete ka nna se se lego bohlokwa; gore ga bjale ke na le “toko go tšwa go Modimo”. Ke phološitšwe, ke lebaletšwe gomme ga ke na molato.

Go feta moo, se ke se molao wa Testamente ye Tala le baprofeta ba bego ba bolela ka sona ka dinako ka moka. Ka gona, ga se selo se seswa; ke se Modimo a bego a ikemišeditše sona go tloga mathomong.

A re se kgaotše ditiro tša rena tše botse, go e na le moo a re di oketšeng, eupša lekga le ka tsebo ya gore ga di re iše legodimong, eupša ke bohlatse bja gore re ba Modimo gomme legodimo ke boyo bja rena bja mafelelofelelo.