Gopola maatla a gagwe – Letšatši la 20

Ge Dipapadi tša Diparalimpiki tša 2012 di fela kua London, ba bantši ba naganne gore tiragalo e dirile go tlala seatla go fetoša maitshwaro go bogole go feta lenaneo le ge e le lefe la thuto goba masolo a ditokelo tše di lekanago a dirile, go fihla ka nako yeo. Mongwadi o tee o ngwetše gore, “Boradiatletiki ba ba go se tlwaelege ba be ba se sa hlalošwa ka bogole bja bona, eupša ka bokgoni bja bona bjo bo makatšago.”

Naa o a tseba gore Dipapadi tša Diparalimpiki di thomile ke mang? Leina la gagwe e be e le Ludwig Guttman, ngaka ya Mojuda, yo a tšhabetšego Brithani go tšwa Nazi, Germany, ka 1939. Morago o bile molaodi-pharephare wa uniti ya pele ya kgobalo ya mokokotlo kua Brithani. Bala kanegelo ya gagwe ya go kgahliša go Wikipedia (inthaneteng).

Ga go tsebjege lehono, Diparalimpiki tša mafelelo e be e le tlhompho go mogale yo a sa retwego.

Jesu o re botša gore go tla ba bjalo ka rena gape. Ka dinako tše dingwe, re ikwa o ka re re tla dira gannyane bjalo ka Bakriste go thuša ba bangwe, ka lebaka la maemo a rena mmeleng. Ke nnete ka dinako tše dingwe, re na le go ikwa o ka re re ka se dire selo. Le ge go le bjalo, Jesu o re botša gore le selo se bonolo bjalo ka sego sa meetse a go tonya se se fiwago modumedi yo mongwe go mo hlohleletša le go mo thuša, se tla putswa. Ge go motho yo a gopolago Ludwig Guttman lehono, ka ge boradiatletiki ba tutuetšwa go tšwa mo do dulago babogedi. Se gape e ka ba pono ya gago; ga gona motho yo a ntutuetšago ka gobane ke dira tše nnyane.

Leta go fihlela o fihla legodimong. Moo, o tla makatšwa ke dipalo tše di tlago gogo šupa bjalo ka mohlohleletši, ka dilo tše nnyane tše di lebegago di se bohlokwa tše o di dirilego goba o di boletšego go bona go ba tutuetša. Se tsoge o nyaditše sego sa meetse ge go se na se sengwe se o ka neelago ka sona.

Naa o gopola tiragalo go Markose 12:41-44? Jesu o be a lebeletše batho ge ba lokela tšhelete ka polokelong ya tempele. Mosadi wa modiitšana a fihla gomme a “lokela dipapetlana tše pedi tša mphiri tša theko ye nyenyane kudu”. Jesu a bitša barutiwa ba gagwe a re go bona, “Ruri, ke le botša gore mohlologadi yo wa modiitšana o tšhetše tšhelete ye ntši go feta bohle ba ba tšhetšego ka mo polokelong. Gobane ba bangwe ka moka ba tsopotše fela mahumong a bona, eupša mosadi yo wa modiidi yena o tšhetše tšohle tše a bego a na le tšona, tšohle tše a bego a tla phela ka tšona.”

Tiro ye nnyane ye e direlwago yena e tla putswa.