Jesu ka go Testamente ye Tala - Letšatši la 2

Lebaka la gore Modimo o nyaka batho ke le lengwe la mehlolo e megolo kudu le sešupo sa gore Modimo o tletše ka kgaugelo le lerato. Modimo o tshwenyegile ka maphelo a rena. Jesu o tlile go re bontšha se. Modimo o bile motho le go phela magareng ga rena. Modimo o nyaka badiradibe bao ba timetšego.

O gopala Sakiose, molekgetho, yo a nametšego mohlare wa mogo gore a bone Jesu? Jesu o mmoditše gore o nyaka go yo lalela le yena ntlong ya gagwe. E ka ba e bile semaka se segolo go Sakiose le go batho ka moka bao ba bego ba le kgauswi le yena. O be a bonwa bjalo ka molahlwa le modiradibe. Balekgetho ba bangwe ba be ba sa amogelwa ditirelong tša bodumedi tša nako yeo. Le ge go le bjalo, Jesu o tsebatša gore go na le phološo go Sakiose, ka gobane O tlile go nyaka le go phološa badiradibe bao ba timetšego.

Ke ka fao Modimo e sa lego a e ba ka gona. Morago ga gore Adamo le Efa ba se theeletše Modimo, o ba biditše moo ba bego ba utame gona magareng ga mehlare ka Serapeng sa Edene. Se se re botša gore Modimo o tshwenyegile kudu ka batho. Re kwa seo potšišong ya Modimo: “O go kae?” Ye ga se potšišo ya go otla goba go sola, eupša sešupo sa Modimo yo a nyakago go tsošološa tswalano le motho.

Go nyaka motho ga Modimo go fapane kudu go dipono tše batho ba nago le tšona ka yena. Batho ka kakaretšo ba nagana gore o swanetše go boifa Modimo le go mo utamela. Go se obamele ga rena Modimo go baka gore re be le kgopolo e fošagetšego ka Modimo. Re ipona molato gomme ra leka go utama. Se se ra gore tswalano ya rena le Modimo ga se ya kamano le go ba ya tlhago.

E kwa lentšu la Modimo ge a go bitša gaboleta, “O go kae?” Se leke go utamela Modimo gomme se mmoife. Modimo o a go rata.