Jesu ka go Testamente ye Tala - Letšatši la 4

Ge Jesu a swarwa, yo mongwe wa barutiwa ba gagwe o khwamotše tšhoša gomme a rema tsebe ya mohlanka, go šireletša Jesu. Jesu o laela morutiwa wa gagwe go bušetša tšhoša ka segatleng. Gomme, Jesu a kgwatha tsebe ya monna a mo fodiša. Jesu o ruta balatedi ba gagwe go ba badirakhutšo le go retolla thama ye nngwe. Molao o bohlokwa ke go dira ba bangwe ka moo o nyakago gore ba go dire ka gona, go fenya bobe ka botse.

Go Genese 9:12-13, Modimo o hlalošwa bjalo ka Modirakhutšo: “Sese sešupo sa kgwerano ye ya neng le neng ye ke e dirago le lena le diphedi ka moka: ke molalatladi wa ka wo ke o tsemago marung. E tla ba sešupo sa kgwerano ya ka le lefase.” Mo, lentšu la molalatladi ke lentšu le le swanago le le šomišwago go bora le mosebe – ka mantšu a mangwe, sebetša se se šomišwago ntweng. Phetolelo e bonolo e ka ba: ke bea fase bora (sebetša) bja ka. Modimo o tsebatša khutšo. Ga a nyake go lwa le motho. Modimo ga a befela ka lebaka la rena. Go na le khutšo magareng ga rena le Modimo. Ka Jesu Kriste, o boelantše dilo ka moka go yena. Masetlapelo a tlhago le dibopego tše dingwe tša tlhophego ga se kotlo go tšwa go Modimo.

Dikgaruru le bošoro ga se ditharollo tše botse go mathata a rena. Gantši re bala, ka go Testamente ye Tala, ka dintwa tše di lwelwego ka leina la Morena, kotlo ya Modimo go ditšhaba tše dingwe gaešita le dithogako. Re swanetše go kwešiša tše bjang? Tše ntši tša ditemana ka go Testamente ye Tala di be di reretšwe go nea taolo go Israele go fenya tikologo e itšego. Di be di na le morero wa tša dipolitiki.

Tlhaselo ya naga gape e ka kwešišwa bjalo ka tshepetšo moo batho ba Modimo ba katološitšego ditikologo tša bona go mo tumiša. E bile le morero wa tša sedumedi. Mabapi le seo Jesu Kriste a re rutilego sona ka mmušo wa Modimo, re ka šomiša lebaka lefe goba lefe la mabaka go tšwa go Testamente ye Tala bjalo ka lebaka la go dira ka bošoro. Modimo o re file bodiredi bja peolano.

.