Ke mang Monna yo? – letšatši la 10

Lenyalo la Majadua ke mokgwa wa go ithabiša. Ga le swane le manyalo a mantši mo – nako e ntši ka disutu tša lešela le thata, ditafola tše telele le dipolelo tše telele. Bajuda ba keteka beke ka moka. Johanese o thoma pego ya gagwe ka mošomo wa Jesu lefaseng ka monyanya. Matlakaleng a mafelelo a Bibele, Johanese o re histori le yona e tla fela ka monyanya.

Lenyalong le Jesu a bego a le go lona, go bile le bothata bjo bonnyane. Batho ba nwile kudu gomme ka seripagare sa lenyalo beine ya fela. Dinakong tšeo, baruti ba be ba re beine ke lethabo la lenyalo. Makgetla o be a le tlalelong gomme tatago monyadiwa a jewa ke dihlong. Go be go tšewa bjalo ka kamogelo e mpe ya baeng ge o be o se na beine. Go direga eng bjale? “Ga gona bothata”, gwa realo Maria, “Jesu o gona mo.”

Ka ntle le go naganišiša ka yona, Jesu a iphetolela ka go lebanya go potšišo ya mmagwe, ge e ba o tla dira se sengwe mabapi le bothata bjoo. “Mma, etse tša ka o di tsena bjang? Gape nna nako ya ka ga sešo ya fihla.” Maria o tshwenyega ka beine, eupša Jesu O itshwenya ka dilo tše di tseneletšego tša Tatagwe. Maria o be a sa kwešiše seo.

Go be go na le dinkgo tše kgolo tša meetse tše seletšego tšeo di ka go swara mo e ka bago dilitara tše 150. Jesu a fetoša meetse go ba beine – beine e botse. Johanese o re seo e bile seka sa pele seo Jesu a se dirilego. Sa go kgahliša, Johanese ga a re ke mohlolo, eupša seka. Ka tsela ye monyanya wa lenyalo wa go se be beine o sa kgahlišego, bophelo ntle le Modimo ke boikaketši gomme ga bo na lethabo.