Ke mang Monna yo? – letšatši la 12

Jesu o be a sa tšo thoma ka mošomo wa gagwe ge Sathane a fihla a sepela-sepela, a swere ke tlala gomme a nyaka se a kago se ja. Ke ka tsela yeo e lego ka yona. Ge o le gare o dira kgetho go Modimo goba o nyaka go direla Modimo se sengwe, Sathane o tla dira se sengwe le se sengwe go thibela seo. Ga a na kgahlego go batho bao ba sa dumelego. Kereke ke lefelo leo a šomelago go lona.

Go a kgahliša gore Jesu, gateetee, mathomong a mošomo wa gagwe bjalo ka Mophološi o hlohla ke Sathane. Moya wa mo iša lešokeng. Modimo o nyaka Jesu, ka go realo, go itemogela tlhohlo le Sathane ka noši.

Go bonala eke Moya o nyaka go bontšha Jesu gore Sathane ke, gomme e tla ba lenaba la gagwe le legolo. Lefaseng, Jesu ga a tlo šogana fela le batho ba thata, eupša kudukudu le Sathane gape.

Pono ya rena ya lefase e lakanyeditšwe. Eke go tšwa sefofa-sebakeng, puku ya Bibele ya Kutollo e re dumelela go lebelela lefase le le nnyane ka mahlo a Modimo. Modimo o re dumelela go bona se se dirgago ka kgonthe. Go Kutollo, re bala gape ka Krisemose. Mmamogašwa o ile wa bona gore o lahletšwe lefaseng, wa lelekiša mosadi yola wa go belega ngwana wa mošemane (Kutollo 12:13). Morero wa wona e be le go metša Ngwana.

Ka morago ga tšhohle tše re di bonago, go na le ntwa magareng ga Sathane le bahlanka ba gagwe, le Jesu le balatedi ba gagwe. Bibele ka boyona e re bjalo. Ga re lwe le batho. Ntwa ya rena ga se ya nama le madi, eupša kgahlanong le mebušo ya lefase le le leso le kgahlanong le meoya ye mebe e lego sebakeng sa godimo.

E ka ba Jesu o iphetolela bjang go ditlhaselo tša Sathane? O botegela Lentšu la Modimo.