Ke mang Monna yo? – letšatši la 3

Carl le Lizella ba ikhweditše ba le ka karekeng gape, ba lewa ke bodutu gomme ba lebeletše pele. Ka pele ga sethala, masogana a mmalwa ao a bego a swele dikatara le baopedi ba mmalwa ba leka go etela pele phuthego go rapela le go tumiša. Thero ye nngwe gape ka Jesu. Go bolelwa gape ka dikanegelo tše di khupeditšwego ke lerole. Mantšu a ba šetšego ba a kwele makga a dikete. Bodutu difahlegong tša bona bo be bo hlaloša molaetša wo o kwagala: ke motho wa mehleng ye, ke bolela leleme la nako ya ka gomme ke phedišana gabotse le batho ba bangwe.

Moruti o katana le potšišo ye: o fihlelela bjang maloko a phuthego ya gagwe? Go na le khomišene ye e šoganago le potšitšo:naa o fihlelela bjang batho mehleng ye? Nyakišišo ke e kgolo. Bo bjang bokgoni bja bona bja go theeletša? Ke leleme lfe leo le tanyago šedi ya bona? Ba rata mmino o bjang? Go a kgonega go diriša polelo ya mehleng ye le mekgwa ya poledišano ya inthaneteng? Maikutlo a maloko a phutego a fapane. Sedirišwa sela! E ka ba tumelo ke fela taba ya tatso?

Moruti io tšea sepheto sa seo se tlago dumelela Bibele go bolela. Eupša ka tsela ya mehleng ye gape e kgahlišago. O nyaka go fediša kgethollo ya bona. O kgopela batheetši ba gagwe ge e b aba nyaka go rola di-Reeebok le di-Nike tša bona tša ngwagakgolo wa masomepedi-tee gomme ba rwale memphašane ya letlalo ya Moisraele go ka thoma leeto le yena. Potšišo ya gagwe go batheetši ba gagwe ke: Ke mang Jesu go wena?

Moruti o thoma gabotse mathomong, ka fao Modimo e bilego motho. Le ka fao Modimo a bilego le tsela e mpsha ka matswalo a Morwa wa Gagwe. Tsela ye e sa gatelelego karogano ye kgolo magareng ga Modimo le motho, eupša go e na le moo, e tla kopanya karogano. Ga e kwešišege go Bajuda, bao ba nyakego le go kwagatša Leina la Modimo. Mathomong a mošomo wa Jesu go be go makatša le go se kgonege.