Ke mang Monna yo? – letšatši la 5

Maria, yo a sa kago a robala le monna, a ima ka Moya wo Mokgethwa. Se ke nnete e bohlokwa. Motho wa go tlwaelega a ka se ime goba go belega Mophološi. Rena bjalo ka batho re ka dira tše ntši. Batho ba go loka, ba maatla gape ba bohlale ba a belega. Tšweletšo ya diphedi tšeo di nago le ditho tša go swana tša leabelae dirile gore go kgonege gore re ka kgona gore re belege batho ba ba phagametšego maatla a motho (Modimo a iletše). Eupša monna le mosadi, Maria le Josefa, ba ka se belege “Mophološi” ka bobona. Moo, Modimo boYena, Moya wo Mokgethwa, o swanetše go dira seo. Ge selo se se mpsha se swanetše go direga, historing goba wena, Moya wo Mokgethwa ka dinako ka moka ke wa pele lefelong.

Jesu ga se a belegelwa ka mošate, eupša ka mogopoong ka setaleng. Kapejana ka morago ga ge A belege, bophelo bja Gagwe bo ile bja tšhošetšwa ke Kgoši Heroda yo sehlogo. Bontši bja masea a bašemane bao ba se nago molato ba ile ba bolawa gomme Jesu a phologa ka go tšhabela Egepeta. E ka ba yo ke Mophološi?

Go boima go ka hlaloša nnete ye botse ya gore Modimo e bile motho. Go boima go ka naganišiša gore Mmopi wa dilo ka moka tše di bonalago, a ka itira Yo monnyane kudu. E bile senamana, lesea, le le bego le ithobaletše diatleng tša lekgarebe le le se nago maitemogelo. “A upša a ikamoga tšohle,” go ngwetše Paulose morago, go Bafilipi. Mohlodi ya ba lee le le nontšhitšwego. Modimo yo a swerego tšohle maatleng a Gagwe gape yo, ka go Testamente ye Tala, a bonagaditšego maatla a Gagwe, gateetee a tšwelela kua Israele – bjalo ka ngwana yo a nwago lebese go tšwa go mmagwe, yo a bego a swanetše go hlwekišwa le go lla bjalo k age bana ka moka ba dira.