Kgaugelo ya Modimo, lerato le maatla – Letšatši la 1

O hlatsetša bjang gore Modimo o gona? Goba ga a gona? Motho yo mongwe o rile, ge a bolela, Modimo ga a gona le gore a ka hlatsetša seo: “Ge e ba Modimo o gona, ga a mpolaye. Ke mo fa metsotso e mebedi.” Monna yoo o ile a lebelela sešupanako sa gagwe gomme ge go sa direge selo morago ga metsostso e mebedi, a ruma ka gore: “O a bona, Modimo ga a gona.” Gateetee morago ga fao, mosadi a goeletša go tšwa go batheeletši: “O sa go rata kudu!” (2 Petrose 3:9).

Mantšu a mosadi a bontšhitše gore monna, ge e le gabotse, ga a hlatsetša selo. Go bile le tlhalošo ya go feta e tee ya nnete ya gore monna ga a hwa. Eupša potšišo e bohlokwa ke gore: Ekaba Modimo o gona goba aowa?

Ke a dumela gore Modimo o gona. Eupša bjalo ka monna yo go boletšwego ka yena ka godimo, nka se sa hlatsetša tumelo ya ka go feta ka mo a ka hlatsetšago go se dumele ga gagwe. Ekaba, gomme, ke botlaela go dumela go selo se se ka se hlatsetšwego? Aowa, ka gobane go na le dilo tše mmalwa tše motho a kago di hlatsetša. O ka se hlatsetše gore letšatši le tlo hlaba gosasa, gomme re a dumela gore le tlo hlaba. O ka se hlatsetše gore o rata molekani wa gago, lega go le bjalo ke nnete.

Go na le se sengwe se se ka re thušago go dumela gore Modimo o gona? Motho yo mongwe o rile ge e ba Modimo o gona, o swanetše go dumela gore a bonwe. O tla itsebagatša gomme a lebelela ditsela tša go ka ikgokaganya le rena.

Bibele e re Modimo o tšere kgato ya go ka ikgokaganya le batho (1 Samuele 3:21). Ye e hlakilego le go ba molaleng ke ge a etla go rena ka Morwa wa gagwe, Jesu Kriste. Go Jesu, Modimo o phetše magareng ga rena le go re bontšha yo a lego yena.