Kgaugelo ya Modimo, lerato le maatla – Letšatši la 10

Sakiose, mohlomongwe, o be a nyaka go bona Jesu ka lebaka la go nyaka go mo tseba, eupša o be a sa nagane gore bophelo bja gagwe bo ka fetoga ka mo go feletšego letšatši leo. O be a sa tsebe gore Jesu o tla tla go yena gomme a mo kgopela gore: “Ke swanetše go yo hlwa ka ga gago lehono.” Sakiose, ke nyaka go ba karolo ya bophelo bja gago.

Jesu o bitša batho ba bantši, eupša ba dula lekaleng la bona mohlareng. Ga ba tloge fao, ga ba arabe kgopelo ya Jesu. Ka Lamorena, ba dula ka kerekeng gomme ba theeletša, eupša ke selo fela se ba se kwago gomme ga se kgome dipelo tša bona.

Ga se selo se bonolo go araba ge o ekwa pitšo ya Modimo. Go sokologa ga se fela go rapela go mema Modimo bophelong bja gago. Go sokologa go ra gore re swanetše re thome go phela ka tsela e itšego, gore re thome go phela pele ga Modimo le bogoneng bja gagwe.

Sakiose o lemogile se ge Jesu a mo kgopela go fologa mohlareng. Ge ba fihla lapeng la gagwe, Sakiose o rile go Jesu: “Morena, bona! Thoto ya ka ke e arolela bahloki ka bogare, gomme ge eba nkile ka tšeela motho selo ka šiši, ke tla mo lefa gane se ke se tšerego” (Lukase 19:8).

Yo mongwe o rile Jesu le sebe ga ba lekane ka gare pelo ya motho. Go sokologa, ka gona, go swana le se Sakiose a se dirilego, ke go amogela dibe tša gago le go tlogela go dira dibe, gomme o se be lekgoba la sebe gape (Baroma 6:12). Ge Jesu a le ka gare ga bophelo bja gago, bophelo bo tla fetoga – dilo ka moka di a fetoga. Boitshwaro bja gago go Modimo le go moagišani bo tla fetoga.

Ge seo se direga. Jesu o tla bolela go wena se a boletšego go Sakiose: “Lehono lapa le le phološitšwe ke Modimo …” (Lukase 19:9).