Kgaugelo ya Modimo, lerato le maatla – Letšatši la 13

Ge o lemoga gore o modiradibe mahlong a Modimo, go a go nyamiša. Gomme o kwešiša gore sebe ke selo se se tlilego gare ga gago le Modimo. Ka go lemoga se, o nyaka go bona sekgoba magareng ga gago le Modimo se tswaletšwe. Ka gona, o ka ba le tlhoko ya go ipolela sebe le molato wa gago pele ga Modimo.

O swanetše go amogela sebe sa gago. Ke fela ge o tlogela go gana sebe sa gago le go se lokafatša, gomme ka nnete o amogela le go kwešiša gore o dirile sebe kgahlanong le Modimo, mo o tlago lebala dibe tša gago. Johanese o ngwala gore: “Ge re re ga re na sebe, re a iphora, re hloka nnete ka dipelong tša rena. Eupša ge re ipolela dibe tša rena, ka ge Modimo a phetha tše a re holofetšago tšona mme a dira tše di lokilego, o re swarela tšona, a re hlatswa bokgopo bjohle” (1 Johanese 1:8-9).

Kwešišo ya gago ya nnete ya sebe e ka se iše go pelaelo le kgateletšego. Ge o bolela sebe sa gago, ka nnete se bula tsela ya gore o ikwe o lokologile gomme o mpshafetše.

Mopesalome o re: “Go lehlogonolo motho, moganakeletšo ya bakgopo, yo a sa tšeego ka tsela ya badiradibe, a sa ikopanyego le ba ba kwerago Modimo” (Pesalome 1:1). Go lehlogonolo motho yo a sa sepelego, go ema goba go dula … Ge o rile ee go Modimo, o tla ikemišetša kudu gore aowa go sebe.

Go a kgonega go fenya sebe? Bjalo ka bana ba Modimo, Moya wo Mokgethwa o phela ka gare go rena. Ka maatla a Moya, re ka lwantšha le go fenya sebe. Paulose o re: “A ke fetše ka go re: Ikopanyeng le Morena le itiiše le ka maatla a gagwe. Itlhameng ka dihlabani tšohle tše Morena a le fago tšona gore le kgone go iphahlela bomenemene bja Diabolose” (Baefeso 6:10-11).

Ge re elwa le go fenya sebe, bophelo e ba bjo bobotse kudu.