Bible Society of South Africa
Danny Fourie

Kgaugelo ya Modimo, lerato le maatla – Letšatši la 17

Akanya ka Bibele

(Di)temana ya Bibele

MATEU 7

Baagi ba mehuta ye mebedi

24“Ka gona, mang le mang yo a kwago mantšu a a ka gomme a phetha tše ke di bolelago, o swana le monna yo bohlale yo a agilego ngwako wa gagwe leswikeng.

MATEU 7:24NSO00Bula go Mmadi wa Bibele

Mopesalome o ngwala gore ba lehlogonolo ke batho ba ba thabelago melao ya Modimo, bao ba ithutago melao ya gagwe bošego le mosegare (Pesalome 1:1). Ga go a loka go bala fela Bibele gomme wa se naganišiše (akanye) ka yona.

Go akanya ke go bala gomme wa ipotšiša: Se se ra go reng go bophelo bja ka? Modimo o nyaka gore ke reng ka temana ye? Ekaba go na le kholofetšo ye nka e hwetšago? Ekaba go na le sebe se ke swanetšego go se bolela? Ekaba se ke temošo ye nka e dirišago, letšatši le letšatši? Ge motho a bala Bibele ka tsela ye, ga se mošomo o bonolo! Tsela ye ya go bala e tliša go katana, go lwa le temana go hwetša tlhalošo ya maleba ya bophelo bja gago.

Go nyakile go ba bjalo ka Jakabo yo a katanego le Modimo gomme mafelelong a re: “Nka se go lese ge o sa ntšhegofatše” (Genese 32:26). Bala go fihlela tlhalošo e kwagala. Daniele e be e le mohlankedi wa setšhaba wa go ba le maikarabelo a mantši a dula a swaregile kudu. A ba le nako le Modimo gararo letšatši le letšatši ka gobane a lemogile bohlokwa bja tswalano ya gagwe le Modimo (Daniele 6). Gararo ka letšatši – e se metsotso e meraro ka letšatši!

Akanya. Diriša. Jesu o rile legae (bophelo) bja motho yo a theeletšago Bibele ka ntle le go dira se se e nyakago, bo a phuhlama. Ge o bala le go diriša, o ekwa le go dira, gomme legae (bophelo) bja gago bo tla dula bo eme – le ge meetsefula le meoya e maatla e ka tla. Motheo o godimo ga leswika.

Bible Society of South Africav.4.28.1
RE HWETŠE GO