Kgaugelo ya Modimo, lerato le maatla – Letšatši la 3

O tseba maikutlo a go ba maratong kudukudu? Mosegare o thaba kudu, bošego ga o robale gomme ge o robala, o lora yena bošego ka moka. Mathomong o ka ba le bothata: ga o tsebe gore o a tseba gore o a mo rata. Ga o na nnete ya gore le yena o a go rata. Go direga eng bjale?

Go na le dikeletšo tše di sa felelwego ke nako: mo ngwalele lengwalo, mo founele goba mo rekele matšoba. Eupša go direga eng ge a ka se amogele lengwalo, sellathekeng sa gagwe ga se šome, goba matšoba ga a mo fihlele? Dibeke morago a ka kwa gore o be o na le maikutlo ka yena. O a tseba gore o be a tla reng ka nako yeo? “Oh, ke be ke sa tsebe ka seo. A ka ba a nngwaletše goba a mfounetše goba a tlile go nna!”

Mo, re a swana le Modimo. Modimo o a go rata. O nyaka tswalano le wena. Ka gona Modimo o rile: “E re ke ngwale.” O ngwetše Bibele e koto mo a rego o nyaka go ba mogwera wa gago. Eupša rena re na le kgahlego e kgolo kudu go dingwalo tše dingwe. Gomme Modimo a nagana gomme a re: “E re ke bitše.” Lamorena le lengwe le le lengwe go na le moreri go gongwe yo a rerago ka Modimo. Eupša kgopolo ya gago e a lelera gomme ga o kwe lentšu la Modimo.

Go fihla ge Modimo a tšea sepheto sa go tla ka boyena. E se a swere matšoba, eupša ka Morwa wa gagwe, Jesu Kriste. Ka yena, Modimo o dira dilo ka moka. O a ngwala, a bitša le go iponagatša ka boyena. Ke holofela gore o tla bala lengwalo la gagwe le go akanya ka lona. Ge a bitša, o swanetše go araba ka thapelo. Bula lemati la gago la bophelo go yena gore tswalano e botse e gole magareng ga gago le Modimo.