Kholofelo e mpsha (Karolo ya 2) – Letšatši la 4

Naa e sa le wa itemogela sehla bophelong ba gago moo o ikwetšego eka o lahletšwe ka mpeng ya šaka ye e tletšego ka dišaka, eupša go se na serobe go go šireletša? Mohlomongwe, o ikwele o ka re o tsena ntweng, ka ntle le dibetša goba diaparo tša ntwa go go šireletša? Se sebe, o ikwile o ka re o wela fase ka lebelo kudu, ka ntle le parašutu gore o se wele fase ka lebelo kudu?

Ka moka ga rena re ba le ditšhitišo tše re itemogelago tšona tseleng ya rena. Se re ka se tsebago ke gore Modimo o gohle maemong ka moka. Ka gona, ge go bonala eka dišaka lefelong la gago la mošomo goba lefaseng la kgwebo di nyaka go go metša, o ka ba le nnete ya gore Modimo o bea serobe sa tšhireletšo go go dikologa. Ka gare go pefelo ya ntwa, ka sebopego sa mathata a ditšhelete goba bolwetši, tseba gore o a go šireletša go tšwa ka mahlakoreng ka moka, gore go se be le dikolo tše di boloyago tše di re bethago. Gomme ge go bonala eka re wela fase, ka gobane lenyalo le a phuhlama goba tswalano le ngwana e na le mathata, ga a re nee fela parašutu gore re se wele fase ka lebelo; o a re phagamiša go ya bophagamong bjo re sa kago ra itemogela bjona ditswalanong tša rena pele.

Lentšu la Modimo le holofetša gore o ka morago ga rena, ka pele ga rena, ka mathoko ga rena, ka godimo ga rena le ka tlase ga rena:

MODIMO KA MORAGO GA RENA:
• Jesaya 30:21: Ge le phamoga tsela le eya ka thoko efe le efe, le tla kwa lentšu ka morago ga lena le re: “Tsela ke ye. Tšeang ka yona.”

MODIMO KA PELE GA RENA:
• Diema 3:6: O gopole Morena dilong tšohle tše o di dirago, gomme yena o tla go lokišetša ditsela.

MODIMO KA MATHOKO GA RENA:
• Pesalome 91:4,7: O go šireletša ka diphego tša gagwe; o bolokega ge o hlokometšwe ke yena. O botegela go go šireletša le go go phemela. Le ge ba sekete ba ka bolawa kgauswi le wena, ba dikete tše lesome ka mathoko ohle a gago, wena o ka se kgwathwe ke selo.

MODIMO O KA GODIMO GA RENA:
• Pesalome 33:13-15: Morena o lebelela a le legodimong, mme o bona batho bohle. O lebelela badudi bohle ba lefase a dutše setulong sa gagwe sa bogoši, yena yo a bopago megopolo ya bona ka moka, a tsebago tšohle tše ba di dirago.

MODIMO O RE PHAGAMIŠA GO TŠWA FASE:
• Jesaya 40:31: Eupša bao ba tshephilego Morena ba tla lapologa, ba se sa felelwa ke maatla, ba swana le dintšhu tše di akalalago. Ba tla kitima ba se lape, ba sepela ba sa fele maatla.

Modimo o gohle. O tseba tša rena tša nakong e fetilego gomme o sa re rata. O tseba se a se rulaganyago ka bokamoso bja rena, ka gona re ka mo tshepha go re hlahla. O kgauswi le rena go re šireletša go lenaba le ge e le lefe le kotsi. O ka godimo ga rena gomme o kgona go go bona ge o bala sengwalwa se, gomme o a re phagamiša go tšwa fase go ba bophagamong bjo boswa ge re le kgauswi le go ineela. Eka o ka itemogela bogona bja gagwe lehono! Modimo a go šegofatše.