Khomotšo go tšwa Lentšung – Letšatši 14

₁₁Nthute ditsela tša gago, Morena,

mme o ntlhahle tseleng ya polokego,

gore manaba a ka a se atlege.

₁₂Hle, se nkgafele thatong ya manaba a ka,

gobane dihlatse tšeo tša maaka di nkemetše ka maoto,

di ntsošetša mpherefere.

₁₃Ge nkabe ke se ka dumela gore ke tla bona botho bja Morena

mo bophelong bjo nkabe ke hwile.

₁₄Bota Morena! O se ke wa tlalelwa!

Ee, bota Morena.

₂₃Morena o etetša motho yo a mo kgahlago ka maitshwaro,

gomme o a mo thekga.

₂₄Le ge a ka wa, a ka se wele ruri,

gobane Morena o mo swere ka seatla.

₂₅Le ge nkile ka ba yo mofsa mme bjale ke tšofetše,

ga se nke ka bona moloki a lahlilwe,

goba ditlogolo tša gagwe di kgopela diyamaleng.

₂₆Ka mehla o adima batho ka pelo ye tšhweu,

le ditlogolo tša gagwe ke mahlogonolo go yena.

₃₉Morena ke mohlakodiši wa baloki;

ke yena setšhabelo sa bona ge ba le tlalelong.

₄₀O a ba thuša a ba lamolela;

o ba lamolela go bakgopo;

o ba hlakodiša ka ge ba tšhabela go yena.