Khomotšo go tšwa Lentšung – Letšatši 20

₉Bathofela ga se selo,

ba maemo ke lefeela;

ge o ba ela, ba bofefo,

ba le mmogo boima bja bona bo fetwa ke bja lefofa.

₁₀Le se ikanye go thopela batho,

la bota go holega ka bohlakodi.

Ge le ka atelwa ke lehumo,

le se bee pelo tša lena go lona.

₁₁Modimo o kile a re a bolela ka kwa taba tše pedi:

ya gore maatla ke a gagwe

₁₂gomme lerato la gagwe,

yena Mong wa ka, ga le fetoge,

le ya gore o putsa bohle go ya ka ditiro tša bona.

₃O laela motho gore a boele a be se a bego a le sona;

o mo fetoša lerole gape.

₄Mengwaga ye sekete go wena e swana le letšatši la maabane le le fetilego ka pela;

e bjalo ka seripana sa nako ya bošego.

₅O re gogola bjalo ka lefula;

re feta lefaseng bjalo ka toro.

Re bjalo ka mphoka wo o hlogago mosong,

₆wa gola wa thunya matšoba,

mantšiboa wa pona wa omelela.

₃Morena, motho ke selomang,

ge o bile o mo šetša;

ke ra motho wa nama,

ge o bile o mo ela hloko?

₄Gape motho ga se selo;

nako ya gagwe e feta bjalo ka moriti.