Khomotšo go tšwa Lentšung – Letšatši 32

₅Ke ile ka ipolela dibe pele ga gago,

ka se ute bobe bja ka.

Ke ithaopile ka ipolela makgopo a ka go wena,

mme wena wa ntebalela melato yeo.

₆Ke ka lebaka leo mmotegi mang le mang a swanetšego go go rapela mehleng ya mathata.

Ge matshwenyego a etla bjalo ka mafula a magolo,

a ka se mo fihlele.

₇Ke khuta ka wena,

o ntšhireletša mathateng.

Ke duduetša mekgolokwane ka ge o mphološitše.

₈Morena o na le kgaugelo le lešoko;

ga a befelwe ka pela,

mme o tletše leratorato.

₉Ga a dule a kgalemela motho;

ga a befelwe go ya go ile.

₁₀Ga a re otle go ya ka moo re sentšego ka gona,

goba a itefeletša ka lebaka la dibe tša rena le makgopo a rena.

₁₁Bjalo ka ge legodimo le katologile lefase kudu,

ba ba mmoifago le bona o ba rata kudu.

₁₂Bjalo ka ge bohlabela bo tlogelane le bodikela,

le rena o re tlogelanya le dibe tša rena.

₁₃Morena o hlokomela bao ba mmoifago,

go swana le tatagobana ge a hlokomela bana ba gagwe.

₅Ke tswetšwe ke le yo kgopo,

ke imilwe ke le modiradibe.

₆Ka ge therešo e le se se go kgahlago pelong ya motho,

nthute ka pelong ka mo ke swanetšego go phela.

₇Ntlhwekiše sebe ka hisopo,

ke mo ke tlago hlweka.

Ntlhapiše ke tage go feta leswela.

₁Go lehlogonolo motho yo a lebaletšwego dikarogo,

yo a swaretšwego dibe.

₂Go lehlogonolo motho yo Morena

a sa mmonego molato,

yo a se nego bofora.

₃Mola ke sa ipolele dibe tša ka,

marapo a ka a be a fokola,

ka gobane ke be ke ehlwa ke lla letšatši ka moka.

₄O nkotlile bošego le mosegare, Morena;

ke be ke feletšwe ke maatla bjalo ka meetse ge a pšhešwa ke phišo ya selemo.

₅Ke ile ka ipolela dibe pele ga gago,

ka se ute bobe bja ka.

Ke ithaopile ka ipolela makgopo a ka go wena,

mme wena wa ntebalela melato yeo.

₆Ke ka lebaka leo mmotegi mang le mang a swanetšego go go rapela mehleng ya mathata.

Ge matshwenyego a etla bjalo ka mafula a magolo,

a ka se mo fihlele.

₇Ke khuta ka wena,

o ntšhireletša mathateng.

Ke duduetša mekgolokwane ka ge o mphološitše.

₈Morena o re:

“Ke tla dira gore o kwešiše,

ka go bontšha tsela ye o swanetšego go e tšea.

Ke tla go eletša, ka go hlokomela.”

₉Le se ke la šilofala boka pere le meila,

tšona di sepetšwago ka ditomo le maleisele gore di laolege.

₁₀Yo kgopo o atelwa ke bohloko,

eupša yo a botilego Morena yena o aparelwa ke lerato la gagwe, kilaphetogo.

₁₁Lena baloki, thabang le gobele ka ge le le ba Morena!

Bohle ba dipelo tša go loka,

thakgalang!