Khomotšo go tšwa Lentšung – Letšatši 34

₁Morena, o reng o emela kgole?

O reng o iphihla mohla wa mathata?

₄Ba bolela ba šinyaletše ba re:

“Modimo ga a lefeletše.”

Menaganong ya bona ye mebe ga ba bee Modimo felo.

₅Ba atlega go tšohle tše ba di dirago.

Ga ba nagane ka dikahlolo tša Modimo;

ba nyatša manaba a bona ohle.

₁₂Nanoga, Morena!

Hle, Modimo, tsenya letsogo;

baikokobetši bona o se ba lebale!

₁₄Eupša wena, Modimo, o a di bona;

matshwenyego le mahlomola o a ela hloko,

wa a fediša.

Mohlokamahlatse o bota wena;

ka mehla Mothuši wa ditšhiwana ke wena.

₁₆Morena ke Kgoši go iša go sa felego;

baditšhaba ba rakilwe nageng ya gagwe.

₁₇Morena, o kwele dillo tša banyatšegi;

o tla ba bea pelo, wa kwa

₁Ruri, Modimo o loketše Baisraele,

o loketše ba pelo tše di hlwekilego.

₂Nna ke nyakile ke feletšwe ke tshepo ya gore Modimo o lokile,

ka ba ka thoma go belaela,

₃gobane ke be ke hufegela baikgantšhi,

ke bona ka mo bakgopo ba atlegago ka gona.

₁₆Ke lekile go nagana ka taba ye gore ke e kwešiše,

fela ya ntšhita,

₁₇ka ba ka ya Felong mo Gokgethwa ga Modimo,

ya ba gona ke lemogago se se tlago ba hlagela.

₂₃Fela ke dula ke na le wena,

mme wena o dula o ntshwere ka seatla sa la go ja.

₂₄O ntlhahla ka keletšo ya gago;

ka morago o tla nkamogela wa nkgodiša.

₂₅Ke eng se ke nago naso legodimong ntle le wena?

Gomme ge wena o le wa ka,

lefaseng ga go sa na se ke se nyakago.

₂₈Nnaena ke loketšwe ke go ba kgauswi le Modimo.

Mong wa ka, Morena,

ke yena setšhabelo sa ka,

gomme ke tla anega ditiro tšohle tša gagwe.