Khomotšo go tšwa Lentšung – Letšatši 40

₁Modimo, ekwa thapelo ya ka,

o se ntlhokomologe ge ke go llela.

₂Ntheeletše, mme o nkarabe;

ke tsieditšwe ke mathata.

₃Ke gakantšhitšwe ke legoa la manaba a ka

le kgatelelo ya bakgopo;

ba nkgobelela dithogako,

ba nkgalefetše, ba ntlhoile.

₄Pelo ya ka e thebatheba kudu;

ke swerwe ke poifo ya lehu.

₅Ke tsenwe ke letšhogo,

ke a thothomela,

ke swere pelo ka seatla,

₆gomme ke re:

“Nke nkabe ke na le diphego boka leeba,

ka fofa ka ya go ikhutša.

₇Nkabe ke fofela kgole,

ka yo itulela lešokeng. Sela

₈Ke be ke tla ikhweletša boširelo ka bjako,

ka širela phefo ye e tšubutlago le ledimo.”

₁₆Nnaena ke ipiletša Modimo,

gomme yena Morena o tla mphološa.

₁₇Mosong le mosegare le mantšiboa ke dulela go balabala ke fegelwa,

gomme yena o kwa lentšu la ka.

₁₈Dintweng tše ke di lwago le manaba a mantši o tla mpuša ke phologile.

₂₂Maima a gago o a rolele Morena,

gomme yena o tla go babalela.

Gape a ka se lese moloki a thetšwa.