MAATLA A LEHONO – Letšatši 16

_20-21Modimo o tsošitše Morena wa rena, Jesu, bahung, yena e lego Modiša yo Mogolo wa dinku, ka madi a gagwe ao kgwerano ya go ya go ile e tiišitšwego ka ona. Modimo wa khutšo a le fe tšohle tše dibotse tše le di nyakago, gore le tle le phethe thato ya gagwe; nke a re dire se se mo kgahlago ka Jesu Kriste. A Kriste a tumišwe go ya go ile! Amene.

₂₃Gobane le tswetšwe ka bofsa ke lentšu le le phelago la go ya go ile la Modimo la ba bana ba motswadi yo a sa hwego, e sego yo a hwago. ₂₄Gobane Mangwalo a Makgethwa a re:

₇Barategi, a re rataneng, gobane lerato le tšwa go Modimo. Yo a nago le lerato ke ngwana wa Modimo gomme o tseba Modimo. ₈Yo a se nago le lerato ga a tsebe Modimo, gobane Modimo ke lerato. ₉Gomme Modimo o re bontšhitše gore o a re rata ka go roma Morwa a le noši wa gagwe mo lefaseng, gore re tle re phele ka yena. ₁₀Se e lego lerato sese: ga se gore ke rena re ratilego Modimo, eupša ke gore ke yena a re ratilego gomme a roma Morwagwe lefaseng gore e tle e be seloba sa dibe tša rena.

₁₁Barategi, ge Modimo a re ratile ka mokgwa wo, gona le rena re swanetše go ratana. ₁₂Ga go motho yo a kilego a bona Modimo, eupša ge re ratana ke gore Modimo o dula e le o tee le rena, gomme go re rata ga gagwe e be mo go feletšego.