MAATLA A LEHONO – Letšatši 8

₃₀Mašaba a mantši a tla go yena ba tliša digole, difofu, dihlotša, dimumu le balwetši ba bangwe ba bantši ba ba bea pele ga Jesu, gomme yena a ba fodiša. ₃₁Batho ba makala ge ba bona dimumu di bolela, dihlotša di sepela gabotse, digole di fodišitšwe, le difofu di bona, gomme ba reta Modimo wa Israele.

₂₄Ke moka Jesu a re go barutiwa ba gagwe: “Ge motho a nyaka go ba molatedi wa ka, a ikone, a ikemišetše go tlaišwa bjalo ka nna, gomme a ntatele. ₂₅Gobane yo a ipabalelago o tla lahlega, eupša yo a itatolago ka lebaka la ka o tla phelela sa ruri. ₂₆Etse motho go tla mo holang go rua lefase lohle, eupša a loba sebaka sa go hwetša bophelo bjo bo sa felego? Goba ke eng se motho a ka rekago bophelo bjo bo sa felego ka sona?

₃₇Gateetee gwa tsoga ledimo le legolo mo maphoto a lewatle a ilego a ba a šwahlela ka leselawatleng, leselawatle la ba la nyaka go tlala meetse. ₃₈Yena o be a le kua morago ka leselawatleng a ithobaletše, a sametše mosamelo. Ba mo tsoša, ba re go yena: “Moruti! Na kgane ga o na taba le rena ge re ehwa?”

₃₉Jesu a emelela, a kgalema ledimo, mme a re go letsha: “Homola, o re tuu!” Ledimo la napa la homola, gwa re tuu!