Modimo bjalo ka mothopo wa kholofelo – Letšatši la 1

Pesalome 33 ke sefela se se kgothaletšago batho go tumiša Modimo, Mohlodi wa lefase. O na le taolo e e feletšego ya pheletšo ya batho le ya merero ya ditšhaba. Bjalo ka bana ba Modimo re kgothaletšwa go tumiša tumelo ya rena go Modimo le go bea tshepo ya rena go yena.

Ke keletšo ye motho a hlokago go e latela gomme ga gona nako e kaone go feta bjale.

Nageng e nngwe le e nngwe, mathomo a ngwaga a šupa nako ya phetogo, nako ya go ntšha tša kgale gomme wa tliša tše mpsha, nako ya go itlhahloba le go dira dithulaganyo tše mpsha.

Ka bomadimabe, gare ga Pherekgong, lethabo la mekete ya lethabo ya Ngwaga o Moswa, le dithulaganyo tše botse a tše ntši, gantši di hwelela ka lebaka la maemo a kgonthe a bjale. Sehla sa matšatši a maikhutšo se fetile gomme re boetše morago go ditlhohlo tša seemo sa rena sa bjale.

Banyakišiši ka mehla ba mošomong ba sekaseka maemo, ka nageng ya rena le lefaseng ka bophara, ao a tlago ba le seabe maphelong a rena le maemong a rena a go phela.

Ekaba ekonomi ya rena e a phuhlama? Tlhatlogo ya ditheko e ka laolwa? Kgahlego le go phela gabotse ga badudi ba rena go ka šireletšwa le go kaonafatšwa bokaone bjang? Bomenetša le kelo ya bosenyi di ka thibelwa bokaone bjang?

Mathata a fapafapane gomme ga gona ditharollo tše bonolo. Ga go yo a tsebago se ngwaga o moswa o ba swaretšego sona le balapa la bona.

Lega go le bjalo, Bakriste ba na le kholego e itšego. Ga re phele lefelong le le hlokago kholofelo. Re a tseba gore ke mang yo a laolago pheletšo ya rena.

“Ke ka lebaka leo re katanago re kalokana, ka gobane re botile Modimo yo a phelago, yena e lego Mophološi wa batho bohle, gagolo bao ba dumelago” (1 Timotheose 4:10).

Bjalo ka batho ga re na maatla go ka lokiša diphošo tša lefase ka moka, eupša ka gare ga tikologo ya rena ye e lekanyeditšwego ya khuetšo re ka dira phapano.

Moya wo Mokgethwa o re thuša go dira se ge re bea kholofelo ya rena go Modimo.