Modimo bjalo ka mothopo wa kholofelo – Letšatši la 4

O se tšeele fase maatla a kholofelo. Go sa šetšwe gore o pitlagantšwe le go gateletšega, kholofelo e go kgontšha go phagamiša hlogo ya gago gape gomme wa sepela ka boitshepo.

Moapostola Petrose ke mohlala wa meleba wa maatla a magolo a kholofelo. Go feta baapostola ba bangwe, Petrose o lemogile Jesu ka yo ka nnete a lego yena: “Ke wena Mesia, Morwa wa Modimo yo a phelago” (Mateu 16:16). Eupša ga a lemoga gore Mesia o be a swanetše go gafa bophelo bja gagwe.

Gomme ge go direga, bjalo ka ge Jesu a boletše pele, Petrose a latela ditshekišo le go bapolwa “a emetše kgojana” (Lukase 22:54). Petrose a hlatsetša bohloko bja go hlokofatšwa ga Kriste (1 Petrose 5:1), eupša ge a hlokafala, kholofelo ya Petrose le yona ya hwa. Morago ga tshekišo ya mafelelo ya Jesu, ga re sa bala ka Petrose gape go fihlela mesong ya go tsoga bahung.

Gomme ge Petrose a bona Kriste yo a tsogilego bahung (Lukase 24:35), kholofelo ya tsena pelong ya gagwe gape. Kriste o tsogile bahung ka nnete. Tsebo e fotošitše Petrose bjalo ka ge e dirile go barutiwa ba bangwe, le go batho ba bangwe ba ba ntši bao ba bonego Kriste yo a tsogilego bahung gomme ba dumela.

Ba tletše ka Moya wo Mokgethwa, ka ntle le poifo ba tsebagaditše gore kholofelo e Modimo yo a phelago a re fago yona ke gore bao ba dumelago go Jesu Kriste, ba tla amogela ditšhegofatšo tše humilego tše Modimo a nago le tšona legodimong tša bana ba gagwe.

Haleluya! Tumiša Morena.