Modimo ke Mang? – Letšatši la 1

Ke rata matšatši a matswalo. E ka ba go keteka mohlolo wa bophelo ka letšatši le ngwana a belegwago ka lona lefaseng, goba go keteka letšatši leo bophelong bja motho mengwaga ye 70 morago, go phela go le nako ya lethabo le go keteka, le gaešita le ba leloko le batho bao o sa ba tsebego ba tla kgatha tema ka go abagana lethabo. Bophelo ke bjo bo botse gape ke mpho ya moswananoši go motho yo mongwe le yo mongwe.

Ekaba re a nagana ka letšatši leo lefase le belegwego ka lona, ge bophelo ka dibopego tša bjona tše ntši bo e ba gona? Goba letšatši la matswalo la magodimo? Woo e tla ba mokete o mogolo! Ga re tšeele fase dilo tše re di bonego lefaseng la rena go tloga mathomong a maphelo a rena – dilo tše gantši re botšišago ka tšona? Gantši, ke tšona tše di neago morethetho go bophelo lefaseng: bošego le mosegare, marega e e ba seruthwane, gomme di tliša go tsepama. Le ge re ka ipelaetša ka gore selemo se fihla morago ga nako lenyaga, goba ke marega a go tonya kudu, mohlomongwe ga re nagane kudu gore ke mang yo a tlišago dihla tšeo le semaka sa gore dilo tše di a direga!

Re tseba fela gore re a holega go tšwa go lefaufau le letala le le botse le mahlasedi a borutho. Re thabišwa ke dirurubele tše di tsoramago gabotse go matšoba a mabotse; go boboleng ga dinosi ka gare ga sekgwa. Re rata go bogela dinonyana di fofafofa di nyaka diboko, di letša melodi ya lethabo. Re a fegelwa ge re ekwa moya o o lapološago difahlegong tša rena ge re lebeletše ka go thaba bobotse bja dithaba tše telele tše di lego godimo ga rena; re tanywa šedi ke morethetho wa maphoto a lewatle ge a itia lebopong ge meetse ao a bonatšago a gadima le go bopa lehulo go dikologa maswika. Ke fela kemedi e nyenyane ya dilo tše di hlotšwego ye e re kgahlago!

Go lefoko la pele la Bibele, re makatšwa ke bonolo bjo makatšago bja mantšu ao mongwadi a a šomišago ge a bolela ka letšatši leo le bohlokwa la matswalo go histori, ge tše ka moka di e ba gona re lemoga gore o bolela ntle le go bontšha maikutlo ka gobane o tseba Yo a nago le tutuetšo, bohlale le maatla go ka dira lefase go ba le le botse. Ekaba Yena o a mo tseba?

Modimo ke Mang?